網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年8月29日 星期四

【大仔考到11科A*】患社交障礙症6年 森美感激太太容忍:佢陪住我捱過,仔女成績都係佢功勞 __,森美,

森美趁去咗英國讀書嘅大仔曦樂放暑假,之前一家去咗新西蘭玩,就算返香港,依然抽時間陪家人,係廿四孝老豆。一對仔女,森美一向比較擔心大仔學業,事閞細女懂得 ...




森美趁去咗英國讀書嘅大仔曦樂放暑假,之前一家去咗新西蘭玩,就算返香港,依然抽時間陪家人,係廿四孝老豆。

一對仔女,森美一向比較擔心大仔學業,事閞細女懂得自律,成績又好。反之兒子曦樂在港讀書時嘅成績麻麻。不過最近呢個爸爸終於放下心頭大石,兒子曦樂去咗英國讀書後,個人成熟咗,且成績突飛猛進,考試考到11科A*嘅超班水準,作為爸爸嘅森美當然好開心!

原來今年16歲嘅兒子曦樂,成績大躍進,森美話全賴老婆功勞。老婆為咗睇住個仔,專登飛去英國陪佢讀書,有家人鼓勵下,兒子終於喺學業上突破考到11個A*。

森美同老婆Veronica結婚19年,佢一直都感激老婆喺佢最艱難時間撐住。森美最近講番,佢之前因因家族遺傳及自我要求過高,搞到患上抑鬱、社交恐懼及障礙,喺嗰5、6年嘅日子,全靠老婆容忍佢,湊大一對仔女,所以,仔女有今日嘅成績,都係老婆嘅功勞。森美諗番當年有病嘅佢,成日黑面、挑剔,搞到老婆都要承受好大壓力,好彩老婆天生樂觀,唔會嬲佢,所以森美好感激老婆,「佢陪我一齊捱,好辛苦!」抗病呢段日子,森美日日都要提醒自己要快樂,加上佢有食藥同行為治療,而家已經好番,唔使食藥。森美大哥,你睇吓,你有對仔女,有個好老婆,一家四口食吓燒賣、雞蛋仔,已經令你笑逐顏開,快樂真係好簡單,係唔係咁話先?

呢日見到森美急急步咁,搞咩呢?行到去時代廣場,森美企埋一角,雙眼碌到大一大,似係等人!森美口擘擘,笑晒口咁,仲有人餵食燒賣添,咁鬼sweet,原來係森美嫂Veronica,同行仲有埋一對仔女,森美個口未食完粒燒賣,隻手已經拎緊阿女手上袋雞蛋仔嚟食,好有胃口!一家四口食住雞蛋仔行過時代廣場,見到有龍珠擺設,最興奮嘅竟然係森美嫂,咁又係,龍珠話晒都係佢同森美嘅那些年回憶。大仔好醒,知媽咪好想行去影相,但係又有啲老尷,最後佢索性推媽咪行過去,仲幫佢影相。本來喺旁邊齋睇嘅森美,睇睇吓忍唔住出手,龍友上身咁幫老婆影靚相。一家四口,好開心咁行去攞車,快樂就係咁簡單。

攝錄:東尼


鍾意就快D Share啦!