55歲的翁靜晶去年底與何東曾孫何彪（Sean）在佛法見證下結成夫妻，6月再於香港聖約翰座堂舉行婚禮，正式成為何東家族成員。黃昏戀開花結果，不少人都戥她開心。翁靜晶喜事連連，日前她到了英國出席細女劉幸儀婚禮，在她出發前，《蘋果》讀者鄧小姐在沙田新城市廣場，遇見翁靜晶和老公拍拖買化妝品，透過「爆相爆片」分享他們的甜蜜生活。
新婚不久的翁靜晶回春有術，最近在社交網公開用比優斷食法，成功由144磅減到123.5磅。當晚7時許，她與老公Sean到沙田拍拖，翁靜晶穿上一條藍色拼布連身裙，將金髮束成一條側辮子，好有少女味道。素顏的翁靜晶與光頭老公Sean入到一間化妝品店選購，但翁靜晶似乎對化妝一竅不通，全程要問老公意見。讀者鄧小姐說：「見佢哋好溫馨，雖然冇拖手，但翁靜晶就乜都問老公。佢老公仲幫佢睇化妝品後面嘅說明，又提佢唔好將睫毛液搽入眼，好細心。」二人逗留約半小時後，買了少許化妝品便離開。
翁靜晶接受《蘋果》訪問時坦承自己不懂化妝，笑說：「我係冇化妝品，即使有，但好多過晒期，通常借阿女嗰啲，有時仲會問工人姐姐借眉筆嚟用，哈哈。」老公發現後，即帶翁靜晶去買化妝品，她續說：「我話唔識，佢就話幫我，唇膏顏色都係佢揀得靚啲，幾有taste。佢話帶我去靚啲地方買，但我又唔鍾意使錢。」問到是否退休，專心做少奶奶？她說：「我有返工，但只係做高端難度工作，要精細策略嘅case，因為我年資高，係貴嘅，簡單嗰啲唔搵我。但值得幫嘅case，我會出手，我都人生後期，唔值嘅唔會接。」
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
|
鍾意就快D Share啦！
|
|
|
