特區政府堅拒接納市民五大訴求，被指是紅媒的無綫，最近出現新聞部逃亡潮，逾三分一前線記者已遞信，當中包括前晚在示威區質問扮示威者警員的張家灝。據知，大台新聞部現在士氣低落，尤以前線採訪記者為甚，面對親歷採訪時一切所見所聞，但最終未能將真相公諸於世，感到極度失望及憤怒。
不過，除了多位前線記者因為「良心」決定請辭，上月因為不滿網民指摘無綫新聞偏頗，與網民網上「駁火」的金盈，原來亦已經離職。報料人透露：「要重申佢離職同『良心』無關，佢只可以話係敗走，因為全個新聞部都知佢好『紅』，完全冇人理佢，招呼都冇人同佢打。加上佢喺明珠台嘅男友Jeff，因為升唔到職都已經辭咗職，或者佢覺得留喺度都冇意思。」據知，金盈離職本來須按勞工法例，提前一個月通知僱主，但她卻選擇「冇鞋挽屐走」，以未放的假期來代替通知期，即時離開工作崗位，但她是裸辭還是另有去向就沒有人知道。報料人更指：「呢方面真係唔會有人關心！」
現年30歲的金盈，2012年畢業於珠海學院新聞及傳播系。上月14日警方闖入沙田新城市廣場圍捕示威者，金盈在其個人IG與網民舌戰，有網民質疑無綫新聞報道偏頗，作為新聞主播的她，竟留言回應網民說：「如果你有質疑，你可以讀新聞系做記者，了解更多，中立咁將事實報道出嚟，我認為睇一件事要全面，就係要睇多間傳媒嘅報道。」之後金盈被網民留言圍剿，她便把IG的留言功能關閉，最後更把IG轉為私人。
另外，有傳無綫新聞部大部份人都萌去意，只是目前未有去向故「捱住先」，但仍希望在這期間，盡力憑良心做事，做到問心無愧。
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
| 新聞部主播金盈已經離開無綫。 | | |
|
鍾意就快D Share啦！
|
|
|
