香港一代名模劉娟娟近年移居上海，今日下午因患病離世，離世時兒子及妹妹劉莉莉都在身邊陪伴最後一程。
劉娟娟原是河北人，49年移居台灣，60年代跟隨老公來港，後來成為模特兒。鄧達智向《蘋果》證實消息，他大表傷痛：「娟娟係兩個星期前入院，佢一向無做驗身，唔舒服入院，一照就發現係末期大腸癌，併發肝癌，無任何treatment可以做。佢兒子知道後，即刻由美國飛返去陪佢。」鄧達智又講到劉娟娟出道經過：「因為當年5呎10吋的模特兒好少，加上佢個樣靚得嚟好特別，所以好快走紅。佢本身好爽朗，好有義氣，好肯幫人，有咩事一叫幫手佢就會去。」他最後一次兩人合照是去年11月在上海見面。
今年5月劉培基曾相約劉娟娟等好友在泰國聚會，當時劉娟娟戴上黑超，精神不錯。劉培基晚上亦有在微博發文：「天下沒有不散的筵席。最後我們還是走散了。#親愛的一路走好。 #一代名模#劉娟娟」
著名設計師文麗賢（Judy Mann）亦在facebook轉發噩耗：「這幾天已感到不良預兆，今天從上海傳來她的死訉，劉娟娟是我的老朋友，前香港名模，後來定居上海。我見她最近一年狀態不太好，問她她總是說沒事，近月就在醫院過，我和Mary都擔心她……唉！最後的日子有兒子和妹妹照顧，都是幸福了，願她一路好走。」她回覆《蘋果》說：「這幾天已感到不良預兆，今天從上海傳來她的死訊。」她指最近一年見劉娟娟總是面青青、消瘦，朋友都擔心，近月一直住院。」她與劉娟娟相識40年，稱讚劉娟娟帶給朋友許多歡樂：「佢80年代已經同我哋一齊去巴黎做騷，因為佢夠高，就行好多晚裝騷，一班人travel好開心。佢好貪靚，你讚佢的唇膏靚，佢就會即刻帶埋你去買，好熱情。」劉娟娟亦煮得一手好菜，常設家宴招呼朋友：「佢經常着得好靚咁，一個人在廚房煮幾十人餸，獅子頭呀、上海菜呀，煮完又係好靚咁行番出嚟。」
著名作家李純恩前年曾在專欄中透露，劉娟娟曾做過為亞姐的主理人，工作時看見當時仍在助理工作的吳綺莉，覺得她很有氣質，硬推她參選美，結果成功奪冠。
| | |
|
鍾意就快D Share啦！
|
|
|