2019年8月8日 星期四

【拍拖都要愛國愛港】65歲羅莽戀上細20年強國女友:鍾意佢聽我管教 __,中國,強國,羅莽,

圖片由羅莽提供
65歲邵氏武打影星羅莽,太太於89年因血癌逝世,一直未有再婚的羅師傅,多年前覓得第二春,跟大陸女友拍拖8年,原來女友細他20年。羅師傅接受《蘋果》電話 ...


65歲邵氏武打影星羅莽,太太於89年因血癌逝世,一直未有再婚的羅師傅,多年前覓得第二春,跟大陸女友拍拖8年,原來女友細他20年。



羅師傅接受《蘋果》電話訪問表示:「拍咗8年,好耐啦,我哋相識係緣份,我去買樓,佢係做地產,大家識到,相處覺得情投意合,一直做朋友,做到而家。」問到女友是否香港人?羅師傅說:「佢係內地,四川內江人,佢有時同我住埋一齊,有時返內地,見面時間好多。」



羅師傅指女友不介意兩人年齡相距大,他說:「最緊要男人有事業心,又要愛國又要愛港,咁佢就鍾意嘞,佢了解師傅個性,有責任、有承擔力。」問到鍾意女友甚麼?他一副大男人口脗說:「鍾意佢聽我管教,譬如佢喺香港,點樣同人和平共處,呢個係大方向,佢要學吓喺香港點生活同人交流,佢冇問題。」



問到女友現在有否工作?羅師傅說:「佢一直炒股票,以前係職業,而家係業餘,當然羅師傅投資畀佢,我畀資金佢打游擊咁囉。」問畀幾多資金女友投資?他只說:「最緊要做人要滿足,知足常樂,畀投機取向我。」相信女友不是貪錢女仔?他說:「梗唔會,佢知道羅師傅嘅教誨,點樣喺香港生活。」



兩人愛情長跑8年,有否計劃結婚?羅師傅坦言:「唔排除有呢個可能,緣份嘅嘢要相處去某個地位,大家覺得有冇需要,我嗰方面冇問題,大家都覺得唔需要排場,佢都唔係咁需要,我年紀大過佢,成日教導佢,喺香港點樣處事、應對問題。」有冇計劃生小朋友?他說:「我自己都有,一個長子、一個長女、4個孫,咁多嘞,我都好滿意,我女婿喺懲教署做高官。雖然我可以再添子女,但冇乜必要。」





------------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9



圖片由羅莽提供 與強國女友拍拖8年(圖片由羅莽提供) 與強國女友拍拖8年(圖片由羅莽提供)
問鍾意女友甚麼?羅莽說:「鍾意佢聽我管教。」(圖片由羅莽提供)

問鍾意女友甚麼?羅莽說:「鍾意佢聽我管教。」(圖片由羅莽提供)
羅莽說:「最緊要男人有事業心,又要愛國又要愛港,咁佢就鍾意嘞。」(圖片由羅莽提供)

羅莽說:「最緊要男人有事業心,又要愛國又要愛港,咁佢就鍾意嘞。」(圖片由羅莽提供)
兩人經常把臂同遊(圖片由羅莽提供)

兩人經常把臂同遊(圖片由羅莽提供)
羅莽唔排除會跟女友結婚(圖片由羅莽提供)

羅莽唔排除會跟女友結婚(圖片由羅莽提供)
(圖片由羅莽提供)

(圖片由羅莽提供)

鍾意就快D Share啦!