【新增內容】
賭王四房大女何超盈上年9月與哈佛高材生辛奇隆（Thomas）訂婚，今年年初公告喜訊，並宣佈已有BB，而四太梁安琪亦開心表示做外婆，而超盈亦預告陀B女，並已幫BB改花名叫「荷包蛋」。
超盈陀B後，全力停工養胎，她於今年6月時為好友嚴紀雯婚禮做姊妹，當時已陀B 7個月，她接受訪問時透露9月預產期，但由於BB太長肉，不排除會提早開刀。
《蘋果》今日收到消息，超盈已在醫院順利開刀，誕下8磅重BB，何家上下相當開心，已向親友報母女平安。據知，超盈由於陀B增磅，而BB營養已相當足夠，再等預產期自然分娩會對母女有風險，故聽取醫生建議下，BB提早兩周出世。
《蘋果》向超盈查詢，對方以短訊回覆道：「謝謝。」而升級為大舅父仔的何猷亨則回覆《蘋果》：「好開心，一直好期待呢日發生，終於來臨，戥我家姐開心，帶咗個新成員嚟我哋屋企。」而細舅父何猷君則道：「好神奇，做細舅，第一，一定當自己個女去錫，當自己個女去教，當自己個女去愛，畢竟係我親生家姐生，我哋幾兄弟姊妹多咗新成員，我哋都好期待好開心，透過今次完全理解到家姐嘅辛苦，做媽媽嘅辛苦，家姐生完，我哋都攬一攬咗我哋自己媽咪，要多謝佢哋，大家喺產房都好感動，都有喊。」
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
| | | |
|
鍾意就快D Share啦！
|
|
|
