2019年8月18日 星期日

任達華:任達華永留傷疤 難望完全康復 __,任達華,

華哥加油呀!影帝任達華早前於內地出席活動遇襲受傷震驚全城,遇襲受傷約三星期後,他經過休養重新出發。外表依舊硬朗,可是遇襲的陰影卻在心頭縈繞不散,他形容 ...


華哥加油呀!


影帝任達華早前於內地出席活動遇襲受傷震驚全城,遇襲受傷約三星期後,他經過休養重新出發。外表依舊硬朗,可是遇襲的陰影卻在心頭縈繞不散,他形容:「間中會閃過(當時情形),成件事發生得太突然,好似電影劇本咁,不過我覺得做人要向前望、要正能量,能夠平安回家就好。」

因禍得福愛相陪

對於事件發生的詳情,他不欲多談,卻用「因禍得福」四個字聊以自慰,讓他重新思考人生:「以前雖然有抽時間陪屋企人,但實在擺太多時間喺工作上。呢件事令我明白到屋企人真係好緊要,嚟緊我一定會減產,做少啲嘢,花多啲時間喺屋企,『陪伴』真係好緊要。」

這段日子除了休息,便是忙於做物理治療。右手傷口已愈合得七七八八,然而右手手指的刀傷疤痕,大概會「陪伴終生」。當被問到受傷部位日後的活動能力,任達華避重就輕說:「依家用緊護手,受傷部位唔濕得水,亦唔可以出汗,沖涼要舉起手,有時工作人員又會喺我身後主動搧風。做物理治療郁多啲囉,(手掌)有啲肌肉硬咗,有啲仲未有感覺……要痊愈相信要花比較長嘅時間,先可以回復到九十幾個巴仙!」暗示右手的靈活性,可能未必回復如受傷前。

傷患絕對不能打擊任達華的鬥志,即使受傷當日,他最擔心的並不是自己:「真係擔心屋企人多啲,呢排睇住我身邊幾個女人包括太太、囡囡、媽媽……個個都瘦晒。嗰日(受傷)我經過咗兩次麻醉後,先見到囡囡喺床邊。(喊晒?)好彩佢好乖,夠硬淨。」

向乒壇名將學嘢

一向坐唔定的任達華多年來持之以恒做運動,如今起碼兩個月與運動「絕緣」,他笑謂:「我有日突然間諗起,自己六、七歲就開始打乒乓波,一直開波唔叻,依家希望快啲好番晒,搵馬琳(中國乒壇名將)教我開波。」他又透露近日變身「戲癡」:「一日起碼睇兩至三套電影,有啲係重溫嘅,我仲試過出街去戲院買飛睇。我睇戲想攞靈感,可以嘅話準備再執導演筒,想拍套警匪片,因為電影係要人性化先吸引到觀眾。」

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!