掃呢頁CODE去手機

2019年8月12日 星期一

【盂蘭節】盧頌恩泰國百年Cafe打卡疑似撞鬼 白朦虛影入鏡 __,盧頌恩,

將相片放大及加光,明顯見到妹頭身後有半截白朦朦身影。
今個星期三便是農曆七月十四日盂蘭節,也就是傳統的鬼節。香港開電視藝人盧頌恩(妹頭)早前在泰國曼谷一間有過百年歷史的翻新Cafe拍攝時,意外影到疑似靈體 ...


今個星期三便是農曆七月十四日盂蘭節,也就是傳統的鬼節。香港開電視藝人盧頌恩(妹頭)早前在泰國曼谷一間有過百年歷史的翻新Cafe拍攝時,意外影到疑似靈體照片,妹頭直呼:「我梗係驚啦,毛管戙呀!」



妹頭早前與旅遊達人項明生(James)去到曼谷、泰北清邁及緬甸拍攝旅遊節目《明日世遺》,發掘一些有機會成為世界遺產的古蹟。在大批相片之中,發現其中有張相,妹頭旁邊有一個白朦朦的半截身影,隱約見到眼睛和面部輪廓,記者向妹頭了解,她說:「張相係James幫我影嘅,係泰國一間Cafe嘅門口打卡熱點位,但一放大張相都有啲驚訝,嘩!嗰下我信呢間嘢有啲料到。」



妹頭透露這間Cafe有一個故事,她說:「泰國好鍾意將一啲舊物翻新作新用途,但保留裏面一磚一瓦,連柱同地板、天花都盡量保留,所以係好舊。老闆娘有同我哋行埋一邊講,話佢哋裝修呢間古屋期間,有時監工都見到磨地嘅轉盤會自己轉嚟轉去,我諗泰國人對呢啲唔係特別忌諱,佢話搵咗當地有陰陽眼嘅朋友幫手睇吓,睇完就話係住咗一隻靈體,但叫佢放心,唔會影響做生意,佢性格氣場都幾開心,平時住喺一條柱度。」



而這條被靈體「寄居」的柱,正正在妹頭身旁,她直言聽到有點打冷震,她說:「咁嗰陣我哋坐咗好多柱前面,我問老闆邊條,原來係我身後嗰條,跟住我打個冷震,好驚啦。睇相又見到啲嘢,毛管戙呀,老闆話嗰隻靈體都百厭,鍾意玩吓,佢哋喺舖頭有時都會見到啲嘢郁吓,但冇惡意。」妹頭還透露在緬甸拍攝時,入住同樣有百年歷史的酒店,由於尾房太陰暗令她心慌慌,最後要攝影師捱義氣跟她和撰稿員調房,並在外攤買玉器定驚辟邪。



記者翻看Cafe的網上圖片,外牆全部用上黑灰色落地璃玻;從室內格局看,妹頭影到疑似靈體的位置,裏面放有枱和座椅,亦有可能是光線折射,影到裏面的人一個朦朧影像。



------------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9



將相片放大及加光,明顯見到妹頭身後有半截白朦朦身影。 妹頭在泰國一間有逾百年歷史的Cafe打卡,身後影到疑似靈體。 妹頭在泰國一間有逾百年歷史的Cafe打卡,身後影到疑似靈體。
老闆娘Taya爆料,店內有靈體寄居柱內(箭嘴),性格貪玩,信不信由你。

老闆娘Taya爆料,店內有靈體寄居柱內(箭嘴),性格貪玩,信不信由你。
窗邊有枱和座椅(互聯網圖片)

窗邊有枱和座椅(互聯網圖片)
 泰國清萊白廟

泰國清萊白廟
白廟近睇好震撼,有好多隻手。

白廟近睇好震撼,有好多隻手。
緬甸仰光大金寺

緬甸仰光大金寺
緬甸水中寺廟

緬甸水中寺廟
 泰北清萊藍廟

泰北清萊藍廟
妹頭稱在緬甸一間酒店內亦遇見怪事,放在百年木櫃上面的餐酒亦有微微搖動。

妹頭稱在緬甸一間酒店內亦遇見怪事,放在百年木櫃上面的餐酒亦有微微搖動。
 妹頭最後去買玉辟邪,笑言好抵買。

妹頭最後去買玉辟邪,笑言好抵買。
妹頭的疑似靈異照,就是由拍檔項明生所攝。

妹頭的疑似靈異照,就是由拍檔項明生所攝。

鍾意就快D Share啦!