網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年8月27日 星期二

娛樂專題:網紅潛力股!健康女神鍾晴VS鄰家女孩李蔓瑩 __,女神,李蔓瑩,鍾晴,

呢四位網紅啱唔啱大家心水呢?近年網絡平台愈嚟愈受重視,其中一班網紅嘅火熱程度分分鐘拍得住唔少明星,除咗為人熟悉嘅「網絡女神」倪晨曦,其實仲有唔少「後起 ...


呢四位網紅啱唔啱大家心水呢?


近年網絡平台愈嚟愈受重視,其中一班網紅嘅火熱程度分分鐘拍得住唔少明星,除咗為人熟悉嘅「網絡女神」倪晨曦,其實仲有唔少「後起之秀」,某網紅數據分析平台,就按照「影響力指數」嚴選出十大網紅,個個都係「潛力股」!

仙氣腹肌齊備

當中演員代表,就有由名模 Cara G. 師妹轉型做主持同演員嘅鍾晴(Karlie),佢憑無綫節目《3日2夜》中仙氣形象而為人熟悉,Karlie唔單只外表甜美,仲有一副苗條身形,皆因佢熱愛運動,仲不時晒出滑水、游水兼健身照,難怪練出6舊腹肌,身形弗爆,被稱為「健康女神」!

男友視角冇得輸

主持界方面就有李蔓瑩(Renee),佢憑住ViuTV《旅行吊靴鬼 》及做網台主持,火速人氣急升,單喺IG就坐擁14萬5千粉絲人數,外表甜美、充滿鄰家女孩味道嘅佢,不時大晒男友視角圖,真係勁Girlfriendable!佢早前因與同性髮型師Joe有多張親密合照而爆出「She She戀」時,即獲大批粉絲發起「Renee is mine Challenge」,紛紛上載同Renee嘅合照,落力為女神護航!

愛心爆棚紋身師

而模界代表蘇小小絕對唔惹少,佢本名為蘇宜,亦係一位新手紋身師。行日系路線嘅小小喺網上分享嘅相都係以唯美風為主。而佢亦被網民大讚有天使嘅面孔加魔鬼嘅身材,加上佢不時甫出同狗仔嘅相,愛心爆棚,更被封為「犬系女王」!

有料高材生周遊列國

至於「半素人」嘅區倩婷(小倩)其實都相當「有料」,本身係法律系學生嘅佢除咗學歷「有料」,更喺2014年以模特兒身份殺入動漫節,大晒「有料」身材!近年佢成功轉型網紅,主力分享旅行經歷,單單過去一年就已經去勻土耳其、泰國、日本、韓國等地,堪稱「旅遊達人」!

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!