掃呢頁CODE去手機

2019年9月19日 星期四

湯怡:湯怡開晒閘隨時拍拖!唔介意老外做男友 __,湯怡,

湯怡及許靖韻孖住出席活動。藝人湯怡及許靖韻(Angela)出席摺紙藝術活動,又即場示範摺紙。Angela笑言小學時會摺紙傳紙仔:「打開入面就有字。(寫 ...


湯怡及許靖韻孖住出席活動。


藝人湯怡及許靖韻(Angela)出席摺紙藝術活動,又即場示範摺紙。Angela笑言小學時會摺紙傳紙仔:「打開入面就有字。(寫咩?表白?)通常係人哋向我表白,我就傳番回覆畀人。」她又記起中學時收到追求者送的摺紙禮物:「佢摺咗99個心心擺咗喺塊大板度,仲寫住I love you,媽咪好鍾意份禮物,係一份好感動嘅禮物,依家都仲擺喺我間房度。(最後男仔成功咗?)係呀,媽咪都覺得男仔幾細心,係puppy love,發生喺中三。」


湯怡就表示讀書時試過打開本書見到男生摺的心心:「幾sweet,不過我就冇回覆。」但她就透露收過一個追求者用紙摺的鷹:「我諗佢都起碼摺咗一個鐘,因為真係複雜,其實我曾經玩心理測驗揀鷹,係測心儀對象嘅性格。(咁佢成唔成功?)冇呀,因為仲要相處到先得,不過有心思好緊要,用錢個個都得。」


Ready迎接新戀情


湯怡又表示下星期將到巴黎出席時裝周,笑言可能到時會在巴黎識到個型男,問到可是已ready新戀情?她表示:「一直都ready,但可遇不可求。(外籍男友都得?)唔介意,大家溝通同相處到就得。」她又笑言這兩星期不停物色戰衣,又學定幾句法文。另外,講到早前演唱會延期,Angela透露將在11月補開,詳情會在日內公布。


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!