張栢芝媽媽戴莎莉有過4段婚姻，現年58歲的她回復單身，兩年前開始自力更生，當上Uber司機。很久以前，張柏芝非常照顧家人，剛成年就出道拍戲賺錢養起一頭家，但自從與謝霆鋒離婚後復出，因工作態度問題，工作量大不如前，收入銳減，經濟壓力也很沉重，早就閂了家人的水喉。
張氏成員開始自力更生，而栢芝媽亦先後在食店、麵包店打工，又拍過三級鬼片《魕異》，兩年前開始轉職開Uber，這份工看來很適合她，工作較自由，不過收入一般，所以生活也得量入為出，平日愛幫襯平民茶餐廳之餘，連修甲也要北上揀去羅湖。
《蘋果》讀者李小姐日前透過「爆相爆片」，表示日前在羅湖口岸遇上栢芝媽光顧一間平民修甲店，李小姐說：「嗰日5點幾，栢芝阿媽同朋友行入嚟（美甲店），見到好多人，就同伙記講：『冇位？我半個鐘之後返嚟！』大半個鐘頭之後，佢再返嚟。」栢芝媽邊浸腳邊修甲，修腳甲時就有男師傅負責按頭肩頸，讀者指修甲加按摩收費約$60-80人民幣：「我自己都係熟客，不過都係第一次撞到佢，但聽佢同啲伙記講嘢好似好熟咁，聽落係似熟客，起初佢入嚟我都唔為意，係聽到伙記講『栢芝媽媽又嚟』，我至望過去睇吓。」
-----------------------------
【撐學生】
召集有心人 撐學生全年睇《蘋果》
立即按此
| （左圖：讀者提供、右圖：IG圖片） | | |
| |
|
鍾意就快D Share啦！
|
|
|
