掃呢頁CODE去手機

2019年9月8日 星期日

Tommy爆失組合金獎內幕 __,Tommy,阮文安,

Tommy前日到達太子地鐵站外,支持聲討8.31濫暴警員的巿民。
Tommy前日到達太子地鐵站外,支持聲討8.31濫暴警員的巿民。男子組合E-Kids成員阮民安(Tommy)日前接受杜汶澤網台節目訪問,大爆樂壇黑歷史 ...


男子組合E-Kids成員阮民安(Tommy)日前接受杜汶澤網台節目訪問,大爆樂壇黑歷史:「我98年入StarEast訓練,02年出過一張碟,老闆係曾志偉、陳百祥、王晶,全部你啲friends。」阿澤反應甚大說:「陳百祥從來都未friend過,黐X線。」



Tommy接受杜汶澤(左)訪問,大爆樂壇黑歷史。互聯網圖片 Tommy接受杜汶澤(左)訪問,大爆樂壇黑歷史。互聯網圖片

Tommy更爆料指當年因陳百祥討厭E-Kids,出手令他們失新人組合金獎:「嗰年港台頒獎禮,事前已知E-Kids第一,Shine第二,天佑仲喺廁所恭喜我哋。」怎料最後是EO2得金獎,Tommy稱:「因為老細話要畀EO2,因為EO2先係佢,我哋係校長嘅,我喺後台嬲到拍晒枱。」翻查資料,第二十五屆十大中文金曲頒獎禮,新人組合金獎為EO2,銀獎是Cookies,銅獎是Double R。

此外,Tommy又在fb公佈打算舉行「沒有國泰,還有民安2.0」演唱會,定下日期及票價,預計讓學生免費入場,但仍未找到場地,更加沒有主辦商,但他表示會盡力達成。Tommy公告搞演唱會,但昨日有報道指有人向他追債,Tommy以短訊回覆:「我之前喺我fb見過個訊息,講到2018年E-Kids個騷欠化妝錢,個騷蝕咗錢,啲數我哋三個人分,我孭最大份,而協辦單位知我哋有困難幫手畀咗呢啲錢先。近日化妝師有聯絡我,佢想寫我個名先有人注意……所有嘢都處理咗。」Tommy亦否認欠日本達人Amber錢。

採訪:沈麗珠




鍾意就快D Share啦!