43歲陳山聰憑大台劇《金宵大廈》演保安員阿蕭，人氣再度急升，首次擔正男主角即大受歡迎，有望今年爭視帝，事業順利、愛情甜蜜，他將於11月1日迎娶拍拖5年的圈外女友陳麗萍（Apple），於香港一間酒店筵開10席，邀請圈中好友，近日陸續派喜帖給親友，據知山聰很喜歡小朋友，已計劃婚後生B。
婚禮在即，陳山聰與Apple的婚照亦率先曝光，早前山聰與Apple特別飛去法國拍攝婚紗相，在發放的照片中，兩人流露出無限的幸福和快樂，山聰望住Apple的眼神，簡直甜到漏，近年努力練跑的山聰，身穿白色背心大晒麒麟臂，山聰表示：「其實我同太太拍拖呢5年入面，我都冇為太太做過啲咩浪漫嘅事，而家終於要結婚喇，所以我好想帶佢去一個好浪漫嘅地方影相補數，希望畀到佢有個美好回憶。法國係一個我相信大部分女仔都會鍾意嘅地方，加上太太以往未去過法國，所以好想同佢喺呢度，影一輯靚靚婚紗相，成為我同佢之間一個最美好同難忘嘅回憶。」
山聰笑言今次拍攝婚紗相絕對是多得好多兄弟姊妹的幫忙，令他能夠用最有限的預算，做到最佳、最滿意的效果，可謂落足本錢，問到世紀婚禮的預算？山聰說：「呢個美好回憶係唔可以用錢去衡量，婚紗相出嚟嘅效果好滿意，只要係能力範圍內做到，一定要令太太開心，希望大家睇到都鍾意。」他表示11月1日的婚禮以簡單形式進行，最重要是家人同最好的朋友在場，與他們分享喜悅，就是最美好的一晚。
|
鍾意就快D Share啦！
|
|
|