2019年10月3日 星期四

李榮浩:楊丞琳唔畀飽飯食?李榮浩結完婚暴瘦17磅 __,李榮浩,楊丞琳,

咁瘦法唔太健康喎!唔少人結完婚都會出現幸福肥嘅情況,不過新婚嘅李榮浩就啱啱相反,佢喺社交網Po出一張獨照,配文說:「一個月瘦了16斤(約17.6磅), ...


咁瘦法唔太健康喎!


唔少人結完婚都會出現幸福肥嘅情況,不過新婚嘅李榮浩就啱啱相反,佢喺社交網Po出一張獨照,配文說:「一個月瘦了16斤(約17.6磅),說實話真的是難以想像,一個月瘦16斤是個怎樣的概念,在我印象中,喊着減肥的人那麼多,就沒見過這麼厲害的,說瘦就瘦的呢!」相中穿紅色西裝的李榮浩明顯塊面瘦咗好多,成套西裝搞到好似唔係好啱身咁,唔知係咪塊面太瘦所致,佢出名細嘅雙眼反而顯得大咗。


唔少網民留言問李榮浩係咪為咗婚禮?又或者想靚靚影婚紗?定係婚禮壓力太大先搞到瘦晒?有網民發揮創意,笑指係老婆楊丞琳家教太嚴格,唔畀飽飯佢食所以搞到咁瘦。


李榮浩做完老襯做導師勁風騷


而李榮浩着呢套紅色西裝其實係去錄節目,佢孖住台灣歌手庾澄慶、那英、王力宏等出任新一季《中國好聲音》明星導師,節目喺澳門錄影,啱啱做咗人夫嘅李榮浩心情靚絕,亦非常風騷同參賽者言談甚歡,有不少互動。


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!