2019年10月3日 星期四

朱茵:型爆巴黎!朱茵形象指導原來係佢 __,朱茵,

朱茵身穿型格西裝現身巴黎時裝周。藝人朱茵近日受邀出席巴黎時裝周,短短數日觀賞了多個靜態展和時裝騷,又分別換上性感撩人的魚尾貼身長裙及型格十足的橘色西裝 ...


朱茵身穿型格西裝現身巴黎時裝周。


藝人朱茵近日受邀出席巴黎時裝周,短短數日觀賞了多個靜態展和時裝騷,又分別換上性感撩人的魚尾貼身長裙及型格十足的橘色西裝登場,展現截然不同的魅力,期間獲品牌設計師大讚穿着有型得體,以成熟女人魅震懾全場。


第三次受邀參加時裝周的朱茵,心情仍然興奮,她說:「我覺得出席時裝周最好玩嘅地方,就係可以嘗試平日較少接觸嘅衣着打扮,同時以朝聖嘅心態,吸收最新時尚資訊。喺巴黎短短幾日,見到當地人喺穿搭上充滿自信,呢方面好值得我哋借鏡,每個人都應該具備自信。」


平日女人味十足的朱茵此行一改作風,換上了帥氣利落的西裝,令人眼前一亮:「參加一個春夏騷時,品牌安排咗兩套衫畀我揀,一套係橘色西裝,另一件係低胸長裙,最後我揀咗平日甚少穿着嘅西裝套裝,結果人人激讚,連佢哋嘅設計師都話我着得好睇,我自己都覺得好有型,哈哈哈!」


貴為女神級代表,朱茵除了對於時尚甚有心得,更尤其注重養生:「對我嚟講,養生比一切重要,因為養生係由內到外,當你擁有一副健康嘅身體,皮膚自然會好,亦有自信駕馭不同造型。」


時尚顧問係老公


至於她的形象指導,原來是最親密的枕邊人黃貫中(Paul):「平日經常同老公交流時尚心得,我最鍾意問佢意見,佢一話顯肥,我就唔會買;如果佢話靚,我就一定會買,始終佢曾經攞過『十大衣着人士』,同埋佢係一個唯美主義者,所以我絕對相信佢嘅眼光,呢一種時尚交流,亦係兩公婆嘅情趣。」


難得遠赴時尚之都,愛美的朱茵攞正牌獎勵自己,更是「出血」最多的一次,單單是鞋都買了五對,仲有衫同手袋!她笑言:「不過我都冇忘記老公同囡囡,聽日係喺巴黎嘅最後一日,我會留足全日為佢哋『血拚』。」


---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!