夏玉麟，相信沒有多少人會記得起的一個名字，他寂寂無名，他飽讀詩書，在台灣政大攻讀文學及歷史，回港考獲教育文憑，卻偏偏喜歡演戲，教書空檔時參與拍劇，在圈中40多年裏，演過不少於200套劇，不過全都是閒角。夏玉麟晚境淒涼，孤獨一人，生活潦倒的他要以綜援度日，前年更不幸罹患肺癌4期，癌細胞已擴散，他無能力支付龐大的醫藥費，急需幫忙。
「莊周夢蝴蝶，其實人就好似發夢咁，而家我有病，就感覺到人生好似一個夢，但夢醒後又要面對一段人生，希望可以繼續發夢落去，生存喺呢個世界。」夏玉麟以莊子的哲學論形容自己的人生。
這天走到夏玉麟於黃大仙的家訪問，藥物的關係令他左大腿麻痺，走路時一拐拐，說話時也氣喘吁吁，訪問未開始，夏玉麟先從房間裏拿出一個A4大小的綠色活頁膠file，那是由他親手製作自己一生的回憶錄，他以5個年代劃分，即將走到人生盡頭，夏玉麟說：「我自知唔知仲有幾耐命，我有一個心結，就係想寫低呢幾十年嘅往事，身體越嚟越差，所以就喺個幾禮拜草草迅速咁做咗出嚟。」
夏玉麟的居處簡陋陳舊，殘破的家具，藥物混亂的堆滿一角，看似已有一段日子沒有打理的模樣。他一直不願申請綜援或長者支援服務，包括家居清理與膳食服務，全因為面子，可惜最終總要面對現實。他說：「我係硬骨頭，我以前唔肯攞綜援，因為咁係自我承認失敗，我唔肯承認，揸拐杖都覺冇面，寧願撐落去，但冇辦法，買藥就真係捱唔住嘞，希望有人幫幫。」
夏玉麟前年得知患癌，短短兩年間被親友離棄要自生自滅，頓悟冷暖人情 ，他聲淚俱下說：「無可奈何，醫生話（我對）第一代標靶藥有抗藥性，叫我食第三代，要4萬幾一次，但係我唔夠錢，嗰種心酸……藥係用嚟救命，但係因為冇錢，醫生鼓勵我搵蘋果基金，好感激，仲有少少希望，社會上仲有人會同情，病咗之後領悟唔到一樣嘢，就係患咗癌病唔一定會死，但朋友親戚就一定死晒，佢哋會離棄咗你，唔知死晒去邊？冇人會理你，啲人會怕你問佢借錢，我而家先知道係咁，人性係好恐怖。」一生不如意，晚年無所依。他說：「唔緊要㗎， 每個人都會帶住自己嘅故事上路，每個人嘅一生有高低起跌，每個人嘅命運唔同，我唔會介意。」他還希望生命能夠延續，繼續經歷人生。
現年66歲的夏玉麟是76年麗的電視訓練班畢業生，81年入大台當製作副導，其後轉教中學，並於五台山當自由身演員，曾經跟張國榮、劉德華、周潤發、黎明等對手，200劇集都只是小角色，他說：「76年嘅時候，因為好鍾意做戲，所以加入咗訓練班 ，簽約3年再續1年，但係自己唔紅，所以去咗教書，娛樂圈唔係1加1等於2，影視界係講運氣，但唔知運氣乜嘢時候嚟，當時我死心不息，教書唔使好多時間，散工去拍劇，佢哋仲話我係邊緣人。」
患病後夏玉麟依然堅持拍攝，可惜最近身體已未能負荷，一直以來他都亳不介意只演小角，他說：「冇小角色，只有小演員，摩打裏面都要用螺絲釘，摩打大晒咩？螺絲釘都重要㗎！所有角色都重要，冇小角色嘅，只係有細路仔嘅小演員，呢個係我學習返嚟嘅心態，你係主角，我呢個看更都有戲，所有角色都係好重要。」夏玉麟又謂早前看報道，他對鄭秀文爸爸說的一句話印象非常深刻，他說：「我而家病咗，行得慢，我都有鄭秀文爸爸嘅心態，路係自己行嘅，我行我嘅陽關道，你行你嘅獨木橋。」
「蘋果日報慈善基金」盼各位善長能支持「夏玉麟」，助他抗癌。
「夏玉麟」暖流之友編號：C4668
網上捐款： http://bit.ly/applecharity
想知最新好人好事？即like蘋果基金fb： http://www.fb.com/adfundhk
「蘋果日報慈善基金」聯絡方法：
電話：29908688
傳真：23076307
電郵：charity@adfund.org.hk
WhatsApp：98627828
網址： https://hk-charity.nextmedia.com
Facebook專頁： http://www.fb.com/adfundhk
Youtube頻道： http://www.youtube.com/adfundhk
「蘋果日報慈善基金」捐款方法：
–以PPS或信用卡作網上捐款： https://bit.ly/applecharity
–銀行存款：
滙豐銀行：580-198836-001
恒生銀行：368-006565-001
中國銀行：012-898-00067655
東亞銀行（往來戶口）：015-514-68-01678-5
–現金捐款（OK便利店）
–填妥捐款表格透過VISA、MasterCard或AE信用卡捐款
–港九新界10間大家樂分店之捐款箱
如讀者市民捐款至「醫療專戶」，請於入數紙／支票背面寫上S0003專戶編號，然後電郵／傳真／WhatsApp訊息／郵寄予本基金。
如捐款至指定上述暖流之友，請於入數紙／支票背面寫上其暖流之友編號，然後電郵／傳真／WhatsApp訊息／郵寄予本基金。
採訪：羅慧敏
攝影：林賓尼
攝錄：廖達燊
|
鍾意就快D Share啦！
|
|
|