掃呢頁CODE去手機

2019年10月3日 星期四

【百億男友未願娶又如何】吳佩慈做生仔機器袋7億 6年抱4又陀B女 __,吳佩慈,

吳佩慈為大陸富商男友紀曉波,先後誕下一女兩子,現在又陀緊第四胎B女,湊夠一對好字!之前生兩個仔,男友一共重賞七億,今次6年抱4,唔知呢一胎,獎勵計劃又 ...




吳佩慈為大陸富商男友紀曉波,先後誕下一女兩子,現在又陀緊第四胎B女,湊夠一對好字!

之前生兩個仔,男友一共重賞七億,今次6年抱4,唔知呢一胎,獎勵計劃又有幾重手呢?

吳佩慈依家已經5個月肚,佢話自己狀態良好,有做孕婦瑜伽keep住,但日前同兩個仔等司機嗰陣,佢似乎有啲攰,但都有彎腰同二仔傾偈,又逗外傭抱住嘅細仔玩。

原來佢帶兩個仔去淺水灣出席小朋友嘅生日會,去到就由工人睇住兩個仔,佢就同朋友social。同場仲有平安保險掌舵人馬明哲,賓客都有頭有面。

為陪養紀家嘅百億繼承者們,吳佩慈會親自教仔。雖然佢請咗3個保母照顧大女同兩個仔,但講到管教同培養,一定親力親為。

雖然13年陀大女嗰陣,佢同紀曉波已經訂婚,但依家陀緊紀家第4個小朋友,佢仍然係未婚妻身份。

未坐正唔緊要,最緊要仔女有份繼承爸爸嘅生意,佢生大女嗰陣,已經話要培養個女做CEO,以後幫爸爸打理公司。何況係兩個仔呢!

生兩個仔嗰陣,佢收到兩份大禮,分別係3.3億半山西摩道全海景超豪宅,同埋當時市值近三億六嘅比速科技股份。

層樓佢仍然持有,由於呢個地產項目不設車位,而佢最近又打算用嚟自住,所以今年用800萬購入附近大廈嘅兩個相連車位。

反而股份佢已經轉讓套現,而舊年亦將豪宅加按,佢解釋市場投資機會多,加按係為作新投資。

40歲吳佩慈有「九頭身美女」之稱,當年滾石將佢同徐懷鈺、李心潔、同陳綺貞,組成「少女標本」出碟。之後歌影兩棲,拍過港產片《獨家試愛》,但14年宣佈全面退出演藝圈。

做咗富貴媽咪幾年,吳佩慈習慣晒上流社會生活,不時晒富貴生活,尤其紀曉波買畀佢嘅不同巨鑽,似乎揀咗一條好啱自己嘅路!

攝錄:陳亦龍、蕭敬漁

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情:https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料:https://t.me/nextmaghk

最新消息:https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情:https://s.nextmag.hk/e/Tssefy687Z

鍾意就快D Share啦!