繼鄭敬基及林子博後，無綫《東張西望》主持林泳淘上周突然被無綫提前一年解約，疑因為個人政治立場而炒魷，結束7年賓主關係！
林泳淘今日接受《蘋果》電話訪問，承認上周接到無綫電話，第二日已經「被離職」。她說：「上星期接完電話，第二日已經last day咗，本身係編排咗工作嘅。有冇賠償未知，都係等公司安排。」林泳淘曾在社交網呼籲市民遊行，被封《東張》民主女神，問到被炒是否與政治立場有關？她說：「呢個唔清楚，佢無講任何呢方面嘅嘢，只係話現在決定提前解約，既然有咁嘅安排，只可以接受。」
泳淘的合約本身還有一年，曾被公司雪藏個幾月，後來聽話「滅聲」，但最終仍難逃被秋後算賬，是否感到無奈？她說：「冇得咁講，只能夠話公司合理安排，做藝人要聽。」未來會否繼續發聲？她有點猶豫說：「呢幾個月，我感受……我仍然覺得啱就啱，唔啱就唔啱，但係要更小心，因為香港現在唔太安全，但我仍會繼續做自己。」
泳淘場言「被離職」太突然，仍未知前路向，她說：「好彩我未使供樓，負擔冇咁重。但真係未開始plan，想做KOL、司儀、拍劇乜都得，之前都同幾位藝人朋友搞緊首飾設計。其實成件事最唔捨得真係班同事，入行就喺《東張》做，今晚大家同我farewell，好唔捨得。」
林泳淘對上一次出現在《東張》，是上周五（9月27日），當時她仍有為節目扑咪做訪問。她是極少數敢發聲的無綫藝人，今年3月已在IG呼籲人參加民陣舉行的3.31遊行反對修例。其後一度被無綫雪藏，至6月才融雪復工。
林泳淘復工後再以《東張》牌頭採訪7.6光復屯門行動，不過當日被在場市民指罵，她即場解釋自己是《東張》而非《無綫新聞》，林泳淘當日亦有在IG回應：「大家沒法想像我們背後的努力和興奮，我們也只是想在能力範圍內為大家出一點力。讓更多人看到香港小市民正在面對的問題不行嗎？」她又堅強地留言：「雖然失望但不灰心。」數日後林泳淘手持寶礦力睇戲，並上載到IG，暗撐該公司取消在TVB落廣告的決定。
👉[多圖 重溫 慎入流鼻血] 林泳淘:《3日2夜》x《東張》！
|
鍾意就快D Share啦！
|
|
|
