掃呢頁CODE去手機

2019年10月18日 星期五

麥潔文明知好危險好踩界唔企硬阻兒子上前線 __,麥潔文,

麥潔文前晚在旺角開騷,她在騷後受訪指囝囝Bryan上前線救人危險兼踩界。
麥潔文前晚在旺角開騷,她在騷後受訪指囝囝Bryan上前線救人危險兼踩界。麥潔文和江華的兒子陳耀淙現職護士,在反送中運動中,他也盡醫護本份,走上前線救急 ...


麥潔文和江華的兒子陳耀淙現職護士,在反送中運動中,他也盡醫護本份,走上前線救急扶危,日前他接受專訪直言與母親的政見不同,但未有因此而吵架。麥潔文前晚在旺角開騷,她坦言不希望兒子現身示威現場:「好危險,好踩界。」雖然兩代政見不同,但她也對囝囝決定表示尊重:「我哋有傾,唔會企硬。」

相關新聞:老公江華上台搶風頭

反送中運動發展至今已經四個多月,政府依然漠視民間的五大訴求,警方也多次濫暴,不少家庭更因政見不同決裂,但依然有不少年輕人勇敢站到前線。江華和麥潔文(Kitman)現年27歲的兒子陳耀淙(Bryan)現職醫院護士,也有到前線為示威者急救護理。他日前接受《蘋果》專訪坦言是出於良知,自發出來救人:「我目的唔係上戰線,同當權者鬥爭,做逆權行為。我只係睇唔過眼有市民承受唔應該係佢哋受嘅傷,有啲執法者做唔應該做嘅事。」8.31太子兵凶戰危,Bryan也在現場,他覺得醫護人員不分藍黃,也有為警員治療。

Kitman前晚在旺角麥花臣場館舉行「Back月黑風高旺角夜音樂會」,老公江華與囡囡陳薔天(天天)也有上台表演,唯獨不見囝囝Bryan現身。Kitman完騷後接受訪問,表示Bryan是因為工作,所以未能到場睇騷:「佢好辛苦,啲更調得好緊要,今日更期嚟唔到,如果嚟到佢係會嚟。」



曾上前線救人的Bryan日前接受訪問,表示目的並非與當權者鬥爭,而是為了救人。 曾上前線救人的Bryan日前接受訪問,表示目的並非與當權者鬥爭,而是為了救人。
Bryan修畢護理學課程後,到公立醫院做護士。

Bryan修畢護理學課程後,到公立醫院做護士。
Bryan雖然與父母政見不同,但會互相尊重。資料圖片

Bryan雖然與父母政見不同,但會互相尊重。資料圖片

「我好尊重佢」

提到身為護士的Bryan上前線救人,8.31當晚更在現場,Kitman說:「佢唔係成日去,去一次、兩次,其實我唔知㗎!」問到會否擔心他的安全?她說:「我又唔擔心,佢都咁大個人,佢做嘢自己負番責任囉,如果佢講畀我聽,我都會叫佢唔好去,因為實在係危險,而且好踩界,一係呢邊,一係嗰邊,你冇得走㗎,好麻煩!」Bryan在訪問中,提到與母親政見不同:「同大部份藍種人想法差唔多,佢覺得年輕人搞亂香港,佢哋覺得自己努力咗大半生,因為香港下一代所謂『唔識諗』,令佢哋乜都冇。」Kitman對此表示:「其實我哋有傾,大家都係好open,唔會企硬,佢都好識尊重,我哋亦好尊重佢,因為佢都大個仔。」

相關新聞:【一家四口】囝囝做護士 囡囡想入行



救人係好事

問到Kitman會否以兒子Bryan有一份幫人救人的精神為榮?她說:「其實佢入行做護士嗰陣曾經講過,希望做戰地嘅時候係不分國籍,不分國界。」她又重申不會擔心Bryan,更大讚他有這志向是好事:「佢有咁嘅志向係好,真係救人吖嘛,好多人係需要我哋幫助,其實我覺得做醫護嘅人,自己都有心志去救人,我係好尊重做醫護嘅人,所以唔只我個仔,好多香港醫護人員,我都尊重。」囡囡天天上台唱歌,Kitman表示囡囡喜歡唱歌,至於是否入行,她說:「佢好似唔係好想,佢係鍾意唱歌,鍾意創作然後自己唱番。」

採訪︰黃曉妍

攝影:沈健程




鍾意就快D Share啦!