掃呢頁CODE去手機

2019年10月16日 星期三

郭富城:郭富城拖實方媛撐愛駒:當然想佢贏 __,方媛,郭富城,

郭富城同老婆方媛撐愛駒出賽。天王郭富城(城城)愛駒「舞士精神」今晚首次喺跑馬地出賽,西裝骨骨嘅城城拖實太太方媛現身,而方媛則以黑色喱士裙配襯,相當合襯 ...


郭富城同老婆方媛撐愛駒出賽。


天王郭富城(城城)愛駒「舞士精神」今晚首次喺跑馬地出賽,西裝骨骨嘅城城拖實太太方媛現身,而方媛則以黑色喱士裙配襯,相當合襯。問到對「舞士精神」有冇信心?城城話:「第一次跑跑馬地,阿方(指練馬師方嘉柏)話試吓,交畀佢安排。(覺得佢狀態點?)OK㗎,不過檔位係第十檔,支持吓囉。(大熱門喎!)好擔心馬迷會麻木投注,一出就要投注,有啲嘢係要試,唔好辜負馬迷期望。(想佢綿上添花?)我當然想佢贏,練馬師同我都想。」問到佢會唔會落重注?佢話:「唔會落重注,唔好以為馬主會落重注,我上次都冇落注。養馬係樂趣,希望跑得好,馬主會有獎金,所以唔會投注。」


「舞士精神」過往戰績唔錯,問到係咪已經賺緊錢?城城笑言:「未咁快,一路希望佢升班,有進步。(想做馬王?)唔會諗到咁快,希望佢健健康康,可以出賽已經好開心。」此外,有粉絲親手畫咗「舞士精神」同城城嘅畫作,叫城城簽名,城城亦大方簽上,十分親民。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。








---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!