掃呢頁CODE去手機

2019年10月14日 星期一

湯洛雯:搵高Ling唱K解悶 湯洛雯透Bra引中佬狂𥄫 __,湯洛雯,高Ling,高海寧,

湯洛雯約咗高Ling唱K,一身透視Look惹嚟中佬𥄫!去年底劉愷威與內地女星楊冪宣布離婚,七年情玩完,早前有內地媒體爆料現年44歲的他,秘密撻着32歲 ...


湯洛雯約咗高Ling唱K,一身透視Look惹嚟中佬𥄫!


去年底劉愷威與內地女星楊冪宣布離婚,七年情玩完,早前有內地媒體爆料現年44歲的他,秘密撻着32歲的無綫小花湯洛雯(靚湯),更有指兩人是在朋友聚會上認識,經靚湯好友林夏薇做「紅娘」才得以發展。事後靚湯堅決否認戀情,稱大家只是普通朋友,並自稱仍然單身,揚言擔心緋聞嚇怕追求者。


約姊妹解悶
日前下午5時半,靚湯在將軍澳出席活動後,獨自駕車前往九龍灣,並將座駕駛至商場外隨意停泊在街頭,但一直未有落車,見她在車上傾了一會電話,未幾落車往商場搭𨋢直上卡啦OK樓層,會合早已到場的高海寧(高Ling)等好姊妹。


尷尬撥頭髮
當日靚湯穿上紅色透視上衣、內裏襯黑色Bra Top,經過努力減磅下,她似乎已現出少少腰形,加上其Bra Top若隱若現,難怪搭𨋢時引來中年男士眼望望,感到尷尬的她只好不停低頭撥髮。眾人狂歡至深夜才離開,靚湯臨走前拉住高Ling傾了一輪,揮手道別後,各自取車返歸。




---------------
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!