棍打急救員 拒讓施救
她試圖救人時，有人從後用警棍打她，「速龍打咗我一棍，叫我快啲走……佢話唔到你哋救，仲拖我走，用胡椒噴我，仲再打咗我一棍」。現場很多救護被警察拉走，不讓進行救援，有不少人在旁欲救無從、情緒崩潰。她哭訴警察草菅人命：「點解香港警察可以咁唔人道？點解唔可以救咗人先？」她事後折返現場，已見不少人如「戰俘」般跪在地上等待被拘捕，又有部份人被救出後已失去知覺，亦有人被踩斷手。
有傷者朋友Q（化名）指，前晚11時半收到朋友來電稱被夾在碧街人堆中，背景聽到有人呼救「我隻腳斷啦」、「我要死啦，唞唔到氣」。Q趕到現場時已有數名速龍駐守，現場傳出多人呼救聲，「條冷巷咁窄，幾個成人一齊行都過唔到，堆咗60人仲要有人瞓低咗」。
有街坊欲上前營救，但遭速龍以胡椒噴霧威嚇，「作為守護人民嘅紀律部隊，佢哋眼中，為咗上頭嘅政治目的去捉幾個香港人，係咪重要過人命？」據指，前晚佐敦北海街彌敦酒店附近亦有人叠人事件。
同一晚，旺角彌敦道北行近山東街，有示威者與警方發生衝突，警方向前推進期間，三輛警方小巴高速衝向示威者。大批示威者跌倒，防暴警一湧而上拘捕多人。
昨日警方記者會上，行動部高級警司汪威遜回應稱，快速駕駛不等同不安全，是警方戰術考慮之一，又指警員經訓練，呼籲公眾對警方有信心。有記者質疑此舉罔顧人命，汪惱羞成怒否認，聲稱警方由始至終都沒有做過一件事罔顧人命，反指「過去150幾日，邊個用緊磚頭掟警察，邊個向無辜市民掟汽油彈，邊個因為政見唔同就肆意毆打，一切一切相信都唔係警方」。
來源 source: http://hk.entertainment.appledaily.com
|
鍾意就快D Share啦！
|
|
|
