網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年11月26日 星期二

潘源良:潘源良奪音樂成就大獎 拖老婆放閃光彈 __,潘源良,

真係恩愛喇!《2019CASH週年晚宴暨金帆音樂獎頒獎典禮》假灣仔會展舉行,獲頒「CASH音樂成就大獎」的著名填詞人潘源良攜太太出席,甜蜜滿瀉!他自言 ...




真係恩愛喇!


《2019 CASH週年晚宴暨金帆音樂獎頒獎典禮》假灣仔會展舉行,獲頒「CASH音樂成就大獎」的著名填詞人潘源良攜太太出席,甜蜜滿瀉!他自言創作超過千首歌曲,問到哪首歌是代表作?他笑言沒有特定,睇心情為主,會成日轉,再問到太太最鍾意那一首歌?他甜笑話:「佢都冇,但我知佢鍾意達明一派。」


潘源良透露會捐出親筆手稿予香港流行文化展:「都係捐幾張支持,其實自己都好少再拎出嚟睇。(會舉行作品展?)2015年舉行過一次,但依家就估計好難再搞,紅館都唔知幾時開、幾時閂,開唔開都係睇緣分,如果有主辦肯幫手搞都樂意開,畀大家作為回顧,都好值得。」會想同邊位樂壇新人合作?他表示冇諗,作為填詞人身份好被動:「都係歌手、監製諗番我哋,依家都有繼續創作,始終自己對呢方面最有興趣。(有歌手主動邀歌?)有嘅,但想等環境適合先開始合作。」提到去年再婚後,在創作上會更甜蜜?他打趣話私人經驗不一定跟創作有任何掛勾。


講到樂壇氣氛不再跟以前般濃厚,問到他可有說話寄予後輩?潘源良先話:「(氣氛)唔會爭好遠,後生啲創作都得到聽眾支持,仲覺得佢哋依家好全能,識彈、識作、識唱。」最欣賞哪位後輩?他聞言即笑住耍手擰頭拒「點名」:「唔好啦,創作好多方面都係自己處理,自己都接觸好多人新人,希望多啲新人投入、加油!做出好成績。」


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!