【頭條獨家】Chok住行街振興經濟 48歲馬浚偉唔裝扮似𡃁仔
受社會氣氛影響，好多人消費意慾下降，好彩仲有班消費者肯出嚟救吓市，令成為重災區嘅零售業仲可以撐住先。好似馬浚偉咁，之前快閃現身銅鑼灣一間日資商店購物。作為工作室老闆的他，見他忙到邊行邊錄口訊，入商鋪一陣，打咗個轉就花過千元買咗個潮人背囊，原來係送畀自己作為48歲牛一嘅小禮物。採訪：梁志明
最近馬仔忙於宣傳下月5日在香港上映的新片《生前約死後》，這是他自編自導自演舞台劇的延續篇，由舞台劇後再轉戰大銀幕，馬仔認真有魄力。由於係講馬仔和母親的經歷，編寫呢個感人故事期間因為觸及內心傷痛而3度停筆。
~自爆成日行街~
之前馬浚偉入住銅鑼灣一間酒店方便舉行處男演唱會，每當有break就出去行吓，搜購禮物o氹吓自己。當日見到着住casual wear嘅馬仔頭戴黑色cap帽，身穿牛仔褸、鬆身四個骨褲襯對jordan純潔白色波鞋，再揹住扣咗兩個公仔鎖匙扣嘅背囊，好有童心。馬仔逗留日資商鋪大約10多分鐘，快手快腳就買咗個大背囊閃人，雖然店內唔多顧客留意他，但馬仔做慣主角，依然Chok住行。事後他笑說：「係呀，我成日去行街㗎，所以經常撞到好多街坊同埋記者朋友。」
來源 source: http://hd.stheadline.com
|
鍾意就快D Share啦！
|
|
|
