專欄作家陶傑早前神預測解放軍會放下武裝，出動清理路障及雜物，由此可見他不單分析精闢，對政治敏感度亦高。陶傑14年曾執導電影《愛．尋．迷》，戲中他藉情色作主題，探討香港社會的壓迫同焦慮。近日他又有導演作品面世，今次是一套片長40分鐘、戲名《香港》的短片，故事分六個獨立故事，以香港十八區命名，包括銅鑼灣、炮台山、天后、西環河及金鐘等。
陶傑今日接受《蘋果》電話訪問時透露故事於去年構思及拍攝，他說︰「短片有冇寓意就自己睇啦，我哋娛樂性啫，講香港人故仔。有6個故仔，都係講而家香港人嘅貼身事，好似香港人嘅情緒同憂慮。」陶傑話片中所涉及的港人心理狀況，跟目前情況有點不謀而合，他笑言《香港》不會像《十年》般有「預言」成份︰「唔係《十年》，《十年》都後生仔做，我哋係唔會重複，套片亦唔係政治，係同政治冇關。今次搵咗盧覓雪、林作、胡琳、倪秉郎一班好戲之人幫手。」他強調電影的品種就單純是電影，並不是評論亦不是專欄。
| （資料圖片） | |
來源 source: http://hk.entertainment.appledaily.com
|
鍾意就快D Share啦！
|
|
|
