2019年12月12日 星期四

【政治打壓?】疑無撐警做護旗手 鄭中基廣州個唱兩度延期 __,鄭中基,

「你喺北海飲醉酒片車撞死人,你響我暴龍個朵,一啲事都無!」暴龍哥(鄭中基)雖然好把炮,但想喺廣州開演唱會都唔係咁易,已經連續兩次「被」延期,理由竟然係 ...






「你喺北海飲醉酒片車撞死人,你響我暴龍個朵,一啲事都無!」暴龍哥(鄭中基)雖然好把炮,但想喺廣州開演唱會都唔係咁易,已經連續兩次「被」延期,理由竟然係「天氣因素」、「技術原因」,你信唔信?難怪網民猜測同政治打壓有關。

鄭中基為咗原定8月17日喺廣州開唱都算神心㗎喇,起碼奉獻咗人生第一次,玩抖音。「好嘢!可以玩抖音。」佢勁興奮咁拍片post喺微博話。

講開微博,佢仲每隔三、五、七日就出一個post落力宣傳廣州個唱,不時分享跑步練氣做準備嘅片、化身暴龍哥食牛歡喜嘅片、演唱綵排嘅片,連內地fans親手為佢準備嘅小禮物,佢都珍而重之咁逐件影低upload上微博,可想而知佢幾咁緊張8月17日嘅廣州站。

不過,喺開騷前5日即8月12日,主辦機構突然宣布因受「天氣因素和技術原因影響」延期舉行。後來官方又發出同意通知書,指演唱會改喺12月21日舉行。之但係本月9日,又再對外宣布演唱會擇日舉行,並可辦理退票事宜,原因係「未能短期內確定藝人及演出場地時間」。吓!乜唔係夾好晒時、地、人㗎咩?突然因為夾唔到而延期咁神奇?

於是,外界好多人猜測背後原因,認為鄭中基無做護旗手、無轉發官媒嘅「止暴制亂」、無話撐警,總之立場唔清晰應該就係得罪方丈嘅主要原因。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址


鍾意就快D Share啦!