2019年12月12日 星期四

李嘉欣:李嘉欣唔覺仔仔有潛質入行:想佢做鍾意嘅事 __,李嘉欣,

李嘉欣一家三口現身。大美人李嘉欣與老公許晉亨及仔仔許建彤(Jayden)出席聖約翰座堂聖誕音樂會,一家三口大方影相。嘉欣表示仔仔今晚會表演,大讚仔仔為 ...




李嘉欣一家三口現身。


大美人李嘉欣與老公許晉亨及仔仔許建彤(Jayden)出席聖約翰座堂聖誕音樂會,一家三口大方影相。嘉欣表示仔仔今晚會表演,大讚仔仔為人積極而且正面,讀書成績亦不錯。Jayden面對鏡頭十分淡定,被指有潛質做星二代,但嘉欣卻不認同說:「佢有潛質做生意。(想佢從商?)想佢做佢鍾意嘅事,佢仲細未知想做咩,佢依家鍾意煮嘢食,睇書,又鍾意研究歷史,打高爾夫球,平時都有同爹哋一齊打。」


早前嘉欣復出螢幕,拍攝大陸節目《演技派》,問到會否因拍攝冇時間陪家人?她說:「唯一係冇得過中秋節,其實只係拍咗四日,但嗰幾日冇咩點瞓,因為我個妝同頭飾成日轉,用好多時間,而且拍攝好緊密要通宵拍,四日拍咗八日嘅嘢,四日瞓咗六個鐘,都真係好唔慣。(本身係咪因為拍四日先接?會唔會覺得畀人賣豬仔?)唔知呢?佢哋好專業。」對於今次有傳酬勞五千萬,嘉欣說:「誇張咗,但滿意。(拍完後有冇戲癮再復出?)咁又冇,但今次係一個好好嘅經驗,第日有好嘅戲本都可以考慮吓,唔係完全唔做任何嘢。」

來源 source: http://hk.on.cc
鍾意就快D Share啦!