2019年12月13日 星期五

C君:祖兒阿Sa到賀 嘟姐:唔知新娘鍾意C君乜 __,C君,容祖兒,蔡卓妍,阿Sa,

C君小登科!嘟姐、祖兒、阿Sa到賀,好兄弟陸永迎賓。「嘟姐」鄭裕玲晚上駕車去飲C君的喜酒,陸永一早在酒店門口迎接,甫見嘟姐座駕駛至,即跑得快過酒店的職 ...




C君小登科!嘟姐、祖兒、阿Sa到賀,好兄弟陸永迎賓。


「嘟姐」鄭裕玲晚上駕車去飲C君的喜酒,陸永一早在酒店門口迎接,甫見嘟姐座駕駛至,即跑得快過酒店的職員上前為嘟姐開車門,氹得她笑咪咪。嘟姐表示知道C君好想結婚好耐,終於見到佢成家立室,搵到個合適嘅伴侶,但直腸直肚的她,突爆咗句:「都唔知新娘子鍾意C君邊一點?」陸永立即截住嘟姐說:「今日講啲吉利啲嘅說話。」嘟姐再笑咪咪說:「佢都有啲優點,佢好聰明,同有幾滴墨水。」並暗讚C君為兄弟們設計較暗色的禮服,能成功令新娘子更加搶鏡,是明智之舉,陸永則自嘲戥穿石的禮服是「屎色」。


嘟姐稱送了大份現金作賀禮,又笑言C君本身有大把錢。期間有對外籍母女要求同嘟姐集郵,陸永即取笑嘟姐是「國際嘟」。


另外,出席婚宴的嘉賓還有歌手容祖兒、蔡卓妍(阿Sa)、導演邱禮濤、ViuTV藝人駱振偉與丹麥老婆,而林盛斌就邊晒大利是邊進場,表示會做大份人情。

來源 source: http://hk.on.cc
鍾意就快D Share啦!