孫慧雪入行14年終於開齋。
《2019年度勁歌金曲頒獎典禮》頒發「年度最佳進步獎」，金銀銅得主分別是林穎彤、孫慧雪（阿雪）及Judas Law，其中阿雪一上台即眼濕濕，哽咽分享得獎感受，表示：「我入咗行14年一個提名都冇，今年開始唱歌攞到獎好開心，音樂呢條路幾難行都會行落去，特別多謝屋企人，當我每次出歌時，屋企人一定聽100次以上。」
期間有一則笑料，司儀在台上講Tips叫大家估得獎者，但鏡頭就影住台下的鄭俊弘、戴祖儀、谷婭溦及林穎彤，鄭俊弘及谷婭溦即指住兩人中間的戴祖儀，以為是她攞進步獎，豈料原來是坐谷婭溦旁邊的林穎彤攞獎，他們的表情即刻十分愕然及尷尬，搞到林穎彤上台致辭時要全程忍笑。
頒發「勁歌金曲獎」，分別是吳若希的《每段愛還是錯》及《愛情無價》，吳浩康的《船頭尺》，戴祖儀的《天光前分手》，許靖韻的《逆流成河》。而「最佳國語歌曲金獎」就是谷婭溦的《今宵多珍重》。
來源 source: http://hk.on.cc
|
鍾意就快D Share啦！
|
|
|
