今年踏入3字頭的陳靜DaDa，近日為她擔正女主角的電影《BABY復仇記》出席宣傳活動，電影未正式上映，已入圍東京國際電影節。
事實，DaDa在13年憑《低俗喜劇》的「爆炸糖」，早已奪得第三十二屆香港電影金像獎最佳女配角，人氣爆燈的她隨即片約不斷，不過同時壓力爆煲，在電影《喜愛夜蒲3》開拍前更突然失蹤，其後她離開香港，潛逃外地。被受千夫所指，她不得不返港開記者會鄭重道歉。相隔八年，她講出心底話：「我當時去咗外國幾個月，就係因為想逃避。但好多現實問題，返嚟既時候都要處理，唔係你想就可以逃得到，要去處理面對現實，返嚟香港既時候已經有心理準備，知道要面對現實。我唔知道將會點樣，但至少要交代整件事同認錯，因為係我任性，唔可以歪曲事實，當時我的確有情緒抑鬱，不過亦唔可以作為藉口，因為都係我嘅責任。」
由出事到開記者會，她說自己的狀態一片混亂：「我嗰陣時經常失眠，個腦思考唔到。試過連續一星期，每日都唔知自己究竟有冇瞓覺，其實好似無瞓過，但又可以呆望住天花板，呢種狀態維持咗一星期，好辛苦，根本無動力工作。」她也明白自己所做影響很多人，大家的反應十分正常。
八年後，她感激當日原諒她的人。
「人誰無過，其他人做錯事，我都肯去原諒。如果當我做錯事時候，你都肯原諒，我就會好感激，亦覺得係人生中必須經歷同面對事的事。」
她承認自己當日任性，因為有很多她不懂處理的問題：「年紀輕輕不懂事，覺得壓力唔係一回事，但可能無一個出口，或者當時啱啱入行幾年，期間承受好多輿論壓力。本身性格好勝，唔想屋企人擔心，所以選擇唔講。原來人係需要其他人扶持，唔可以單靠自己撐住。後來慢慢多咗對其他人信任，識得向別人釋放自己軟弱一面，然後發覺，原來其他人都肯接受我嘅不足，會對我忍讓，只要自己懂得轉彎走番出嚟就可以。」
未嚐過失敗，如何知道成功。事隔四年，原來DaDa在17年也有類似經歷，她拍首部電視劇再度壓力爆煲，第一天開工，便決定辭演，之後休息了一年。心境穩定再出發，今年30歲的她，不會再讓壞情緒影響工作，種種經歷，更令她知道怎樣掌握角色。
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
|
鍾意就快D Share啦！
|
|
|
