「玉女掌門人」周慧敏（Vivian）入行至今30年不變，樣貌和身材都似食了防腐劑，日前（Vivian）單拖現身銅鑼灣，一身黑look兼口罩蒙面，快閃到連鎖化妝品店買眼睫毛液，短短3分鐘已掃貨走人。
日前下午約4時許，Vivian坐白色七人車到銅鑼灣，司機在化妝品旗艦店門前停車，着黑色衫、深色貼身牛仔褲、黑色波鞋、孭黑色袋的她快步落車，搭扶手電梯到化妝品店，見她入內後好熟架步，快步走到貨架前選購眼睫毛液。雖然Vivian戴了口罩蒙面，但形象30年不變的她，店員都輕易認出有明星光臨，上前招呼及協助她選購。
Vivian只花兩三分鐘便揀好，畀錢期間還禮貌地跟店員講「唔該」，之後就落樓梯走人，見她落樓梯時好斯文，走在路上時一頭秀髮輕飄，獨個兒行去時代廣場後面搵車，其間冇理紅燈公仔亮起，心急過馬路上車走人。
採訪、攝影：朱志聰、羅德光
| 攝影：朱志聰、羅德光 | | |
| | | |
|
鍾意就快D Share啦！
|
|
|
