【武漢肺炎】做足準備赴新加坡登台 馬國明考慮當地撲防疫用品
出爐視帝馬國明（馬明）於今日大年初四現身機場，由於武漢肺炎肆虐，馬明全程都戴上口罩接受訪問，他透露將出發到新加坡登台，同台演出還有另一「男神」鄭伊健。對於肺炎現時疫情相當嚴峻，問乘坐飛機可會擔心？馬明說：「小心啲，都擔心唔到咁多。原本初二惠州有商演，最後都取消咗。而新加坡呢次冇話取消，接咗一定要去，新加坡應該都會安全啲。」並謂已為此行做足準備，帶備了足夠的口罩及酒精紙巾。那麼可會留新加坡數日休息？他說：「唔會喇，做完都即刻返嚟。爸爸媽媽喺屋企，都會擔心佢哋。」
提到香港現時購買口罩自保都有困難，可會趁機購入口罩及消毒用品？馬明說：「剛剛同同事講緊呢件事，有時間都會去張羅一吓，新加坡應該唔會咁緊張。希望香港可以容易啲買到口罩，不過呢啲都要等政府公佈，希望大家身體健康，大家亦要小心啲。」至於疫情可有影響工作？他說：「暫時未知，相信影響唔會好大，因為原定新年後都開拍《BB來了2》。（如期開拍？）暫時知道係如期開拍。」最後，馬明跟經理人步入機場禁區，其間被數名粉絲認出並要求合照，眾人帶著口罩合照，畫面相當有趣。
來源 source: http://hd.stheadline.com
|
鍾意就快D Share啦！
|
|
|
