三點式上陣非最佳狀態 張沛樂：最沒自信的一次
張沛樂（沙律）與馬俊怡、羅堃尉、劉沛蘅、熙琳為2月開播的香港開電視旅遊節目《美少女日本民宿》，走訪日本不同地方的特別民宿，其中首次拍攝旅遊節目的沙律，飛赴東京、鐮倉、廣島等地取景，她除了以三點式泳裝上陣享受日光浴外，又會食盡當地美食及初嘗居合道，難怪她表示今次旅程十分難忘，但提到節目中以三點式泳裝上陣，沙律指當時並非最佳狀態，笑言是她人生中最沒有自信的一次泳裝。
沙律自言向來喜歡旅遊，憶述第一次旅行是跟家人遊泰國：「當年只有6、7歲，跟屋企去泰國，點知屋企帶我去睇人妖騷，當時其實都唔知咩叫人妖，淨係覺得啲『姐姐』好恐怖，嚇到大喊，最終我要企喺門口等屋企人睇完個騷嚟接番我。」沙律坦言最希望到東歐旅行，因為她喜歡民族色彩濃厚的國家。 提起潮流興隻身背包旅行，沙律指她嘗試過一次，但感覺麻麻：「試過一次自己背包遊台灣，但感覺好悶，一啲都唔enjoy，所有嘢都係得自己一個，我覺得旅行要有伴，可以喺旅遊中傾偈增進感情。」
節目中，沙律奉獻了「第一次」試玩居合道，雖然着起全副居合道裝束大呼有型，但之後手臂肌肉卻痛足數天，說：「居合道把劍好重，要雙手先攞得起，因為把劍好長，要做一個簡單拔劍動作都唔容易，玩咗兩個鐘，手臂肌肉酸痛咗幾日。」
沙律去年跟拍拖三年的林耀聲分手，問到踏入鼠年可會希望有新戀情？沙律表示的確有新追求者，但她心情卻非常矛盾：「想拍拖，係因為我怕寂寞，但自己又唔想咁隨便開始一段新感情，加上有堪輿師傅話我要兩年後先有真命天子出現，所以我都好迷惘，唯有暫時寄情工作。」
來源 source: http://hd.stheadline.com
|
鍾意就快D Share啦！
|
|
|
