掃呢頁CODE去手機

2020年2月9日 星期日

【頭條獨家】三母女出巡零交流 曹央雲自討沒趣撩街拍 #曹央雲

曹央雲三母女日前難得「合體」落銅鑼灣行街,可惜囡囡鍾意玩手機多啲。
【頭條獨家】三母女出巡零交流 曹央雲自討沒趣撩街拍曹央雲三母女日前難得「合體」落銅鑼灣行街,可惜囡囡鍾意玩手機多啲。94年亞姐季軍曹央雲與富商何永安離 ...




三母女出巡零交流 曹央雲自討沒趣撩街拍曹央雲三母女日前難得「合體」落銅鑼灣行街,可惜囡囡鍾意玩手機多啲。94年亞姐季軍曹央雲與富商何永安離 ...




【頭條獨家】三母女出巡零交流 曹央雲自討沒趣撩街拍

曹央雲三母女日前難得「合體」落銅鑼灣行街,可惜囡囡鍾意玩手機多啲。

94年亞姐季軍曹央雲與富商何永安離婚後,一直獨力湊大兩個寶貝女,眨下眼二人都踏入青春期,自然唔多聽媽咪話,所以近年都經常見到曹央雲自己一個外出。直至日前,三母女終於難得「合體」落銅鑼灣行街,惜囡囡各自沉醉於手機世界裏面,結果曹央雲出招撩二人街拍,最終得到大女「假笑」一個,超無癮!採訪:梁志明

曹央雲難得同兩個女行街,惜囡囡比較愛手機。
曹央雲難得同兩個女行街,惜囡囡比較愛手機。
曹央雲諗住幫囡囡街拍,點知細女彈開,大女懶理。

曹央雲諗住幫囡囡街拍,點知細女彈開,大女懶理。

武漢肺炎肆虐,曹央雲大女Audrey於農曆新年間,因中甲型流感留院9天,搞到要冒險頻撲醫院,她都直言:「真係明知山有虎偏向虎山行,只有媽媽先會咁做。」確實,曹央雲真係好錫囡囡,就算被兩位千金Audrey和Promise無視,她都甘願承受。話說日前傍晚6點,曹央雲挽住個過萬蚊的Hermès,帶埋兩個女兒到利園二期Shopping,三母女難得一齊出街,她本身都笑晒口好開心,無奈正值反叛期的囡囡卻唔多騷媽咪,先是年約16歲的大女Audrey企到九丈遠,一邊行一邊低頭撳手機,10歲幼女Promise則塞住雙耳聽歌,大家全程企到離行離罅,零交流。

經三催四請,大女Audrey終於Hea笑畀媽咪影一幅。

經三催四請,大女Audrey終於Hea笑畀媽咪影一幅。
之後兩女打回原形,曹央雲歪嘴歪面好無癮!

之後兩女打回原形,曹央雲歪嘴歪面好無癮!

大女假笑應酬媽咪

最終曹央雲諗到計撩阿女,她一個轉身停低幫二人影靚相,豈料Promise即刻快步彈開,完全唔畀面!本來Audrey都唔多理,繼續向前行,但見媽咪三催四請、追住自己,結果她都好識做,企定定望住鏡頭勉強一笑;滿足咗媽媽鋪影相癮後,囡囡又秒速打回原形,繼續木口木面玩手機,Promise亦都跟番隊形,夾喺中間跟住媽咪行,搞到曹央雲歪晒嘴咁,好無癮!

隨後,三母女去Burberry睇衫,曹央雲即刻捉住店員打牙骹,仲傾到笑晒口、搭晒膊頭咁,鏡頭一轉,兩個寶貝女呢?原來又坐埋一二邊做低頭族,最後她買咗一條披肩就走人。至行到去老三陽,兩個囡囡終於「回到」現實世界,同媽咪揀吓零食、買吓茶葉蛋,惜開心嘅時間過得好快,曹央雲畀完錢又做返孤獨精!

曹央雲在店內揀披肩,兩女則坐埋一邊。

曹央雲在店內揀披肩,兩女則坐埋一邊。
兩位千金一買嘢食就終於放低電話,理吓「金主」媽咪。

兩位千金一買嘢食就終於放低電話,理吓「金主」媽咪。
三母女於除夕夜都有去花市行大運,估唔到大女(中)之後就入咗院!

三母女於除夕夜都有去花市行大運,估唔到大女(中)之後就入咗院!

鍾意就快D Share啦!