【頭條獨家】近兩年頻中箭學乖咗 吳業坤唔敢再口花撩女仔
吳業坤於無線新劇《大醬園》中和朱晨麗、江嘉敏有感情線，但民初劇只可以摸吓手仔。對於被拍檔龔嘉欣取笑他係「媾女王」，問到係咪要搣甩「媾女王」呢個講法，所以今次拍劇零緋聞？坤哥大笑說：「龔嘉欣好衰㗎，係咪都笑我㗎啦，其實係因為過去兩年多口咗，中箭多咗，所以係我學識乖，知道好多說話唔可以亂講啫。」採訪：方騫平 服裝：Calvin Klein
《大醬園》中吳業坤同何廣沛傻更更一齊做醬油，他形容似自己做歌手一樣，既老實又踏實，喺擅長及鐘意嘅領域下去打出一片天，最開心除了跟一班年青演員朱晨麗、江嘉敏、龔嘉欣、何廣沛等打成一片外，又可以喺前輩吳岱融、龔慈恩及康華等身上學演戲，令內心戲有進步，得益良多。提到龔嘉欣同朱朱傳不和，問他可會做和事佬？他卻扮傻說：「表面上又唔覺佢哋有乜不和，都好奇怪點解會咁傳呢！可能龔嘉欣網上發文不滿有人耍大牌，講緊嗰個人係我呢！」
少說話做實事
之前坤哥曾口花花撩過前輩薛家燕及田蕊妮，又話想追家燕姐大女珊珊(石祐珊)，坤哥保證，未來兩年會少說話多做事，唔會再咁多口。笑問他係咪畀家燕姐鬧得多？他即避談：「好多傳媒及前輩都好錫我，話我知有時唔使太將自己赤祼祼，就算係玩，但人哋當真，講咗嘅嘢係收唔返嘅，過往兩年多口咗，中箭多咗，呢兩年試吓乖乖哋，唔好出咁多聲，做好自己事先，等他朝有一日話畀大家知，其實我只係搞氣氛，等大家唔好誤會我。」
來源 source: http://hd.stheadline.com
|
鍾意就快D Share啦！
|
|
|
