森美話父母落船後可能要去隔離中心再隔離多14日。
藝人森美的父母仍被困在鑽石公主號郵輪上，森美接受電話訪問，他表示父母終獲安排接受檢驗：「日本嗰啲醫護人員攞佢哋啲口水去驗，同埋幫佢哋探測溫度，希望做一個測驗睇吓有冇感染，如果結果係陰性，我父母梗係希望盡快離開隻船。其實佢哋喺隻船度都隔離咗成八至九日，如果計埋下個禮拜19、20號度都過咗14日，佢哋返到嚟香港都會繼續喺屋企自我隔離，依家佢哋冇任何唔舒服，冇任何嘅病徵。」
他又補充說收到消息，指被送回港的乘客可能要安排送到隔離中心再隔離多14日，他說：「對佢哋嚟講梗係唔係幾想啦，因為佢哋已經隔離咗14日，如果檢驗後沒有任何感染下，冇理由返到嚟仲要被送去隔離中心隔離多14日，就算佢哋想安全啲，有啲人講潛伏期多過14日，但係佢哋都做咗測驗，但有啲人又話可能驗陰性三次都可能係陽性，佢哋都應該喺屋企做自我隔離囉，因為就算其他入境嘅人，都會喺家隔離，無理由佢哋隔離咗14日，測驗又係陰性，之後又要送隔離營再隔離。」
來源 source: http://hk.on.cc
|
鍾意就快D Share啦！
|
|
|