網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年2月4日 星期二

【頭條獨家】唔怕除口罩 最怕冇工開 張曦雯求桃花增運勢 __,張曦雯,

增桃花運  紅粉緋緋嘅張曦雯擺明行緊運,但為咗增桃花運及觀眾緣,新正頭約埋老友一齊去求桃花,由陳定幫師傅指點迷津。
【頭條獨家】唔怕除口罩最怕冇工開張曦雯求桃花增運勢增桃花運紅粉緋緋嘅張曦雯擺明行緊運,但為咗增桃花運及觀眾緣,新正頭約埋老友一齊去求桃花,由陳定幫師傅 ...




唔怕除口罩最怕冇工開張曦雯求桃花增運勢增桃花運紅粉緋緋嘅張曦雯擺明行緊運,但為咗增桃花運及觀眾緣,新正頭約埋老友一齊去求桃花,由陳定幫師傅 ...




【頭條獨家】唔怕除口罩 最怕冇工開 張曦雯求桃花增運勢

增桃花運 紅粉緋緋嘅張曦雯擺明行緊運,但為咗增桃花運及觀眾緣,新正頭約埋老友一齊去求桃花,由陳定幫師傅指點迷津。

武漢肺炎蔓延不止,TVB劇集如常開工,演員為咗妝容,就算戲外,埋位前都唔可以戴口罩。日前新劇《踩過界II》就有四名主要演員王浩信、蔡思貝、張振朗及簡淑兒齊齊病倒「冧廠」,另一女主角張曦雯亦不適取消外景。監製林志華表示演員們連日開工,加上拍外景時遇大風而病倒。對於要冒險除口罩開工,新紥姐仔張曦雯(Kelly)就話唔驚,事關做女一的機會唔係時時有,「冒險都冇計,最重要係有工開,有嘢做。」趁住新正頭,挾住台慶中奪得「飛躍進步女藝員」獎的旺氣,日前她拉埋好友徐肇平及KOL好友朱韻韻去佛堂求桃花,望盡快乘勝追擊「升呢」做視后。採訪:方騫平

誠心許願 Kelly跟KOL好友朱韻韻誠心閉目許願。
誠心許願 Kelly跟KOL好友朱韻韻誠心閉目許願。
親抱男童  冇戴口罩的Kelly抱住男童作近距離接觸,防護意識低咗啲喎。

親抱男童 冇戴口罩的Kelly抱住男童作近距離接觸,防護意識低咗啲喎。

當日一行三人去土瓜灣一間佛堂行桃花運,順道拜財神及太歲。三人冇戴口罩,喺佛堂內誠心上香,又合十順時針圍住桃花行咗三個圈,師傅陳定幫提示她要邊行,邊諗住心目中期待實現嘅畫面,之後將寫有心願嘅小天燈掛上桃花樹上,再閉目許願。Kelly喺佛堂逗留期間,有女善信帶埋兒子跟她集郵,Kelly親切地抱住小朋友影相時,俏面更貼近男童,雖然舉動好nice,但防疫意識未免薄弱咗啲,就連廣東省衛生健康委員會都有防疫指引,提醒與別人談話時盡量保持1米以上距離啦。

行桃花運望升呢

講到新年願望,張曦雯希望自己及家人身體健康,她屬馬,今年冲太歲,師傅叮囑她小心駕駛,最好玩吓碰碰車嚟化解意外,幸而Kelly行運中,愈冲愈旺,能逢凶化吉。她大笑說:「我桃花反而都ok夠,不過,始終做呢行要多啲觀眾緣,男友反而唔多理,我哋好少見到面,唔好問我點算好,我都係想專注喺工作上,慶幸大家感情都叫穩定嘅。(下個目標做視后?)會繼續努力,希望桃花可以幫到手。」對於傳過緋聞的陳國強辭任TVB董事局主席及非執行董事職務,她希望藉此畀大家睇到她實力及努力,見證她進步,絕對唔係因為人事:「我冇搵陳生呀,都唔知點搵佢,佢哋係大人,我只係小員工,公司行政接觸唔到,而且係大人嘅事。」

趕工拍攝 日前Kelly喺密室拍《踩過界II》。

趕工拍攝 日前Kelly喺密室拍《踩過界II》。
真係病咗  日前她跟姜麗文、蔡思貝喺粉嶺山頭拍外景,又攰又凍,仲冇得戴口罩,之後蔡思貝及她即病了要取消拍攝。

真係病咗 日前她跟姜麗文、蔡思貝喺粉嶺山頭拍外景,又攰又凍,仲冇得戴口罩,之後蔡思貝及她即病了要取消拍攝。

否認取替李佳芯

繼《木棘証人》後,《踩過界II》係Kelly第2套擔正做女一嘅戲,有指視后李佳芯突然被消失,由Kelly取代,Kelly即說:「冇話邊個可以取替到邊個,不過,拍過嘅《跳躍生命線》、《白色強人》兩套都成為『最佳劇集』,而男主角馬德鐘、馬國明分別封視帝,我好旺男演員,另我有份演出嘅《金宵大廈》反應都好好。喺《踩II》我演一個好有心計嘅律師,為咗場官司接近盲俠王浩信,甚至會着貼身衫,用氣味及聲線去色誘佢,摸佢。以前做開靚靚女女角色,最初都擔心做唔做得嚟,但幫幫師傅話我今年旺做癲、喪、奸嘅角色,加上啱啱攞完奬,所以做得好有壓力。」

提到全城做足防疫措施自保下,唔戴口罩開工的Kelly就唔太顧忌:「要拍戲,戴唔到口罩都冇計,唔使埋位時唯有行開一邊,勤啲洗手,我諗最重要係有工開同有嘢做。」咁做藝人點都係要食住個勢嚟上位,睇晒呢個超級病毒都阻唔到她的決心!

心計律師 她在《踩過界II》中做有心計的律師,會色誘盲俠王浩信。

心計律師 她在《踩過界II》中做有心計的律師,會色誘盲俠王浩信。
好有條件  Kelly樣靚身材正,有條件受力捧。

好有條件 Kelly樣靚身材正,有條件受力捧。
開心攞獎 剛剛跟張振朗奪得台慶「飛躍進步男、女藝員」獎。

開心攞獎 剛剛跟張振朗奪得台慶「飛躍進步男、女藝員」獎。
首做女一  之前跟羅仲謙等合作拍《木棘証人》,係Kelly處女擔正做女一嘅劇集。

首做女一 之前跟羅仲謙等合作拍《木棘証人》,係Kelly處女擔正做女一嘅劇集。

鍾意就快D Share啦!