黃澤鋒囡囡發燒疑中招。
藝人黃澤鋒為開電視節目《我的志願速成班》開工，節目教家長應該及早計劃達成子女志願，本身育有一女黃熙恩現已8個月大，問到如何達成囡囡志願？他說：「呢幾日佢發燒，微燒咗兩日，梗係驚，因為發燒係新冠肺炎嘅第一迹象，食咗退燒藥後，發現佢身出咗一粒粒玫瑰疹，原來出牙仔。」看到囡囡發燒消瘦，他說：「呢個時候仲會諗我的志願？佢健康冇事已經飲得杯落。」
新冠肺炎疫情下，教游水班及泰拳工作全面停頓，自言快悶到發癲，他說：「依家日頭望天光，天光又望天黑，真係唔知幾時完。（停晒收入？）係呀！好彩都有啲穀種，挖出自己底本，個女擘開隻眼就食，太太又冇做嘢，全家一擘大眼就係支出，慶幸依家有工開，如果唔係我會發癲。我開始自言自語，好可怕，我一自言自語就開始癲，因為發洩唔到精力，已經每日去跑步。」
不過這段時間，多了與囡囡的親子時間，故女兒十分黐身，他笑言「爸爸呵」成為女兒專利，希望疫情過去，期望可以為女兒舉行一歲生日會，他說：「坦白講，我呢個年歲唔同佢慶祝幾多次㗎」
來源 source: http://hk.on.cc
|
鍾意就快D Share啦！
|
|
|
