莊思明順利接得花球。
藝人莊思敏今日在家簽紙結婚，妹妹莊思明偕同男友楊明現身送祝福，一對新人於律師見證下成為合法夫妻後，莊思敏於屋企門外拋花球，思明即走上前取得花球，心情興奮的她更向楊明撒嬌，楊明接受東網訪問時，被問到是否即將報喜訊？他笑說：「又唔係，冇壓力嘅，我哋都係會照住大家步伐進行，暫時都係搵錢，儲厚個底先！（女友接到花球喎？）基本上都係畀佢㗎（送咩畀一對新人？）都係利是最實際，其實今日最感動係聽佢哋講誓言，因為平時冇聽過嘛！」
接到花球的莊思明，心情難掩興奮，接受東網訪時稱眾人都想她接到：「家姐特登拋畀我架，大家都好有我心，多謝晒佢哋！」與楊明婚期不遠了？思明稱：「婚期未定，但我哋有共識，想大家個事業都再好啲先，咁生活先會更穩定！」家姐今日結婚，這個妹妹都坦言放下心頭大石，並稱遠在馬來西亞的父母以「視像證婚」見證這個婚禮，她說：「因為疫情關係，唔想佢哋兩老飛來飛去，所以就透過視像證婚，爸爸媽媽都好開心。（佢哋好感動？）媽媽好搞笑，當簽字一刻竟然大叫，佢問家姐你諗清楚未？」
來源 source: http://hk.on.cc
|
鍾意就快D Share啦！
|
|
|
