平時唔睇得電視都要睇！
入行逾10年嘅楊潮凱，喺熱播劇《法證先鋒IV》飾演智障人士浩仔，演技獲大讚成功引起熱論！曾經同佢合作嘅孫慧雪都忍唔住及發長文表揚佢，仲話突登追睇番，喊到眼腫呀！
雪雪留言：「我因為平時屋企唔可以開電視，趁夜晚先睇返（番）法證，浩仔，你知唔知你好過份（分）！喊到我眼都腫埋！」但係喊完，佢覺得好開心，為佢感到驕傲：「有乜開心得過可以見到一位，一直好努力、好有火、好有實力嘅演員，被大家認同！」佢仲上載佢哋及蔡思貝合照，咁啱楊潮凱同思貝都梳咗個栗子頭，雪雪就笑言：「你睇吓連思貝都要同你剪同一個髮型，你就知你幾受歡迎🤪Proud of you!!!!!!! 」
而楊潮凱都打番長文多謝對方：「多謝你因為我專登在深夜重溫我的演出，多謝你為我的演出而流淚及眼腫，多謝你在我得到觀眾認同的時候而戥我開心，我們都是喜愛演戲的人，因為喜愛，所以堅持，我相信只要堅持心中喜愛的，努力學習，終有一天會得到大家的認同。」唔少網民都大讚佢演出好出色，仲話屋企成班女人為佢而喊呀！
來源 source: http://hk.on.cc
|
鍾意就快D Share啦！
|
|
|
