網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月24日 星期二

菊梓喬(Hana):星夢一姐表面風光 菊梓喬5位數稅都畀唔起! #菊梓喬

唔係啩!新冠肺炎疫情肆虐,「星夢一姐」菊梓喬(Hana)表示不少歌唱工作叫停,她說:「我哋嘅工作係公開表演,依家疫情關係真係冇辦法,大家留喺屋企避免到 ...




唔係啩!


新冠肺炎疫情肆虐,「星夢一姐」菊梓喬(Hana)表示不少歌唱工作叫停,她說:「我哋嘅工作係公開表演,依家疫情關係真係冇辦法,大家留喺屋企避免到多人嘅地方,對我嚟講係幾致命嘅!」很多歌手藝人受疫情打擊變零收入,她亦坦承:「係㗎,點解唔係零收入?啲工作取消晒、延後晒,冇辦法,咪慳啲使!」


申請緩繳暫繳稅


Hana自爆冇錢繳交5位數字的稅款,她說:「張稅單嚟到都啞咗,唔知點算,唔知去邊度借!」貴為「一姐」的她坦言仍未算是搵到錢,收入一直不穩定,她還傻笑地說:「因為冇留到錢(交稅)嗰下大鑊,你唔明㗎喇,你跟吓我生活就知我幾窮,我哋呢啲同我啲口罩存貨一樣,係處於貧窮線。」她正為稅單而頭痛,並自爆已去信稅務局申請緩繳暫繳稅,她無奈地說:「睇吓可唔可以𦧲到,我做咗㗎喇,如果唔係真係唔掂,啲稅好恐怖吓!」


唔減租要搬屋


近年身價不斷飆升,有指她應該賺到錢,Hana卻苦笑說:「有幾多呀?每個月要供車租樓,其實已經去晒,工作好多時化妝、整頭、租車,樣樣嘢全部都係錢,食都要使㗎,呢啲係基本嘢,我依家好慘,樓又冇,仲係租緊屋,仲好貴。(疫情下業主有冇減租?)一千蚊都唔減,可能之後又要搬,搵過平啲嘅地方。」


去年開完處女演唱會的她,原定今年計劃舉行Part 2,如今恐怕要再延遲。而早前她為新劇《香港愛情故事》試晒造型,開拍前一星期卻突然收到通知不用拍攝,她說:「明白呢行好多變數,老闆叫我唔好失望,我相信公司一定會幫我揀最好嗰條路,好似再幫我接咗另一部新劇,喺4月底開。」


處女出埠騷延期


禍不單行的是,Hana原本4月11日將到美國洛杉磯開騷,今次演出令她緊張、興奮又期待,因是第一次出國做騷,她更曾經笑言:「可以『搣』(歌酬)住先。」怎料美國亦因疫情影響,她的演唱會宣布延期,認真黑仔!她說:「我好期待美國呢個騷,但知道疫情要避免高危活動,自己會保持正能量去睇,都唔太擔心,我覺得有時錢事少,最緊要身體健康,我都好懷念上台唱歌嘅日子。」她相信只要大家一齊努力抗疫,很快可以回復本來的社交和正常活動,並樂觀地說:「依家唔係得我哋冇嘢做,我身邊好多朋友停薪留職,甚至裁員,明白到呢一關唔容易,有好多難關之前都可以一步步過,我覺得呢關都可以,但需要時間同耐性,堅持多啲正能量,希望大家可以守望相助過到。」


Wardrobe:Triangulo



來源 source: http://hk.on.cc
鍾意就快D Share啦!