阿Sa同關智斌要繼續留喺馬來西亞。
英皇藝人蔡卓妍（阿Sa）、關智斌（Kenny）正趕拍英皇與騰訊合拍的網劇《女法醫JD》，因受馬來西亞全國實施「限制活動令」影響，接獲劇組通知，要提早一晚漏夜執包袱「大遷徙」，趕往另一個拍攝場地。
兩人的經理人霍汶希受訪時，透露藝人的最新情況：「暫時我哋都會逗留喺馬來西亞嗰邊，因為我哋第二個景未拍完嘅，我都係啱啱過去第二個景咋，如果離開馬來西亞，再返嚟要隔離14日，如果四月復工，我哋又要隔離14日，藝人可能會遇上（檔期）上好大問題，暫時我哋大部分嘅主演都冇問題，佢哋好好同劇組共同進退，喺當地休息酒店，唔會周圍跑嘅，到4月初復工為止，當然對我哋拍攝嘅進度有兩個星期影響啦，係呢個段『封城』嘅期間，唔可以拍攝，唔可以聚會，導致藝人嘅工作包括拍攝工作及廣告等檔期亂咗，現時我好頭痛，不過請放心，佢哋好安全。」
來源 source: http://hk.on.cc
|
鍾意就快D Share啦！
|
|
|
