武漢肺炎疫情持續，日日都有雙位數新增個案，政府為了預防及控制疫情，於上月29日推出《預防及控制疾病（禁止羣組聚集）規例》，禁止在公眾地方進行多於4人的群組聚集，為期14天。雖然規例指出搭車、工作等12項仍可聚集多於四人的豁免，但灰色地帶多多，惹來全港市民鬧爆。就好似昨日無綫拉大隊到大坑開拍《食腦喪B》外景，一時間30多人聚集，有工作人員除口罩吸煙又口沫橫飛，引起街坊恐慌。
《蘋果》讀者袁小姐透過《爆相爆片》指，昨早約8時許，無綫新劇《食腦喪B》拉隊到大坑浣紗街一帶拍外景，在全城禁聚下，當時劇組超過30人，加上有工作人員除口罩吸煙又口沫橫飛，引起街坊恐慌，擔心會有傳播武漢肺炎的風險。當時劇組霸佔附近路面和咪錶停車位，袁小姐不滿提出，卻遭一名工作人員破口大罵說︰「我哋鍾意點拍就點拍。」令袁小姐十分氣憤，她說︰「係咪TVB大晒？」
事後袁小姐曾報警，但到場的警員對劇組霸路、車輛違泊、人群聚集等，卻未有採取行動或執法。袁小姐十分氣憤說︰「我問警察佢哋有冇申請喺街度拍戲，有冇申請嘅文件編號，佢答唔到我，仲話喺街度做緊嘢，無論幾多人，都可以唔使申請，咁點解啲後生仔去吓街，警察就拉人？」之後跑馬地警署張姓值日官曾到場了解，袁小姐說︰「佢只係叫我算數，我話佢哋阻塞交通，又咁多人聚集，佢竟然話：『我好忙』，仲話唔關佢事，係食環署嘅事。」
《蘋果》記者曾到場了解，見有演員江嘉敏、何廣沛、郭子豪，加埋現場的工作人員超過30人。當時正拍攝一場江嘉敏踩單車，載住西裝友郭子豪的戲份，為拍攝二人大頭，在單車下加裝了一塊拉動的木板，拍攝進行時約有10多人圍上前，難怪街坊擔心。而江嘉敏和郭子豪不用埋位，卻沒有戴回口罩，更有工作人員沒戴口罩，整個劇組防疫意識甚低。
禁止群組聚集的條例日前生效，雖然條例中有多項情況可獲豁免，包括在工作地點工作而進行的群組聚集，但劇組已引起街坊恐慌。對於拍攝現場超過4人以上，問何廣沛可有擔心觸犯法例？他向傳媒表示︰「唔驚嘅，因為我哋係做嘢，至於啲細節由公司處理，之前都有警察巡邏時都有嚟查問我哋，我哋有做申請都唔驚嘅。」
對於「禁聚令」生效後，有否影響劇組拍外景，無綫昨日回覆傳媒查問時表示，外景拍攝屬於工作地點進行工作，獲有關規例豁免，外景拍攝不受影響，但會盡量減少拍攝人多的場面。此外，《蘋果》今日曾聯絡警察公共關係科，就袁小姐遇到警員沒有對車輛違泊執法、警員拒提供編號等作出投訴了解，但截稿前仍未有回覆。
採訪、攝影︰朱志聰、黃曉程
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com
|
鍾意就快D Share啦！
|
|
|
