2020年4月5日星期日

初步檢測呈陰性仍遭酒店踢走　孫慧雪無奈呻：我自發性隔離咋 #孫慧雪

初步檢測呈陰性仍遭酒店踢走　孫慧雪無奈呻：我自發性隔離咋

擔心染疫的孫慧雪上周入住酒店進行14日自我隔離，未料日前卻遭酒店踢走。

無線藝人李君妍的同居家姐日前確診新冠肺炎，上周跟她一起錄影節目《姊妹淘》的孫慧雪（阿雪）一收到消息，徬徨到屋企都唔敢返！為免染疫傳給老公和2歲囝囝Riley，當日她都即刻入住酒店自我隔離14日，雖然大前日她已出Po，公佈第一個病毒快速測試的結果呈陰性，但為了大眾安全，盡責的阿雪都表示在等待深喉唾液化驗檢測報告期間，仍會繼續作自我隔離。不過，今日阿雪卻無奈地於社交網留言：「話說前2日，我畀酒店職員見到啲報道，就趕咗我走！我明白佢哋嘅擔心，但我想解釋返，我並唔係強制隔離、或戴手帶嗰種，我只係小心為上，『自發性隔離』咋！我自己都做好一切防疫措拖同清潔消毒！所以大家都唔好咁擔心我！！我嘅深喉測試未出報告，係因為呢2日並唔係工作天，而且工作人員都好忙，所以要等下星期再同大家報告！」並謂目前已搬入服務式住宅繼續隔離。