2020年4月5日 星期日

【背妻偷食爆出後】冇罩戴志偉現身情緒激動報警 向傳媒發爛:我做錯咩事! #戴志偉 #曾志偉

59歲的戴志偉,過往在TVB擅演惡人的反派角色,11年離開TVB後,轉行做保險。與妻結婚數十年,二人育有兩子已二十多歲。但本刊收到報料,指他背妻出軌, ...






59歲的戴志偉,過往在TVB擅演惡人的反派角色,11年離開TVB後,轉行做保險。與妻結婚數十年,二人育有兩子已二十多歲。但本刊收到報料,指他背妻出軌,早前發現他與同屬保險公司的年輕女同事Candy,手拖手在淺水灣漫步。分身有術的他,陪完Candy,再做「好老公」駕車載老婆出入。

婚外情爆出後,今日(4月5日)離家外出,面對大批傳媒等候追訪,火爆的戴志偉無戴口罩,一落車即發爛:「做咩跟我!我報警,做乜跟住我?我做咗啲乜?」拿起手機反拍傳媒並報警。

對住戴了口罩防疫的傳媒,情緒激動的戴志偉說:「我依家報警,你哋全部唔敢以真面目示人,我冇戴口罩,我光明正大。」同小三Candy外出拖手時,二人戴晒口罩,做足功夫。

有記者問他可否就Candy拖手事件「講兩句」,他隻字不提,繼續一味鬧:「你follow我,去到邊跟到邊,影晒相,做埋啲衰嘢,我有咩做,我行街唔得呀!」,「你哋啲嘢我朋友無睇過,冇人睇,但你影響到我家人,做乜講啲咁嘅嘢,我做咩錯事,有咩錯事!」。他自言:「我係好好先生,唔發脾氣,但今次忍冇可忍。」

佢不斷問,要搵負責記者,叉住腰繼續講:「你小心我會搵你。」,「你影俾佢睇,叫佢以後唔好做呢啲嘢,如果唔係你瞓都瞓唔著,有人搵到你上門,你小心。」

----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

-----------------------------

【昔日紙本檔庫】

30年壹仔經典 壹壹重現!

-----------------------------

【全新電子書平台|本書】

《沙士風暴》全面揭露沙士真相

鍾意就快D Share啦!