掃呢頁CODE去手機

2020年4月5日 星期日

戴志偉:疑背妻偷食 戴志偉發爛鬧爆記者 #戴志偉 #曾志偉

戴志偉喪鬧!已婚前藝人戴志偉離開無綫後轉行做保險,昨日被爆疑似背妻偷食年輕女同事Candy。今早約11時半,他揸車駛出馬鞍山寓所,去到迴旋處之際發現記 ...




戴志偉喪鬧!


已婚前藝人戴志偉離開無綫後轉行做保險,昨日被爆疑似背妻偷食年輕女同事Candy。今早約11時半,他揸車駛出馬鞍山寓所,去到迴旋處之際發現記者,即「遊花園」兜足兩個圈,隨即駛入隔離屋苑的避車處,急煞車開門落車爆粗,雖正值新冠肺炎肆虐,但他全程冇戴罩「浪花」四濺喪鬧:「我報警呀!做乜跟住我呀?做咩嘢先?我唔知你咩記者!」之後上番車拎電話,再反拍記者大頭,期間記者問:「戴生,傾兩句得唔得?」戴志偉繼續發爛說:「我唔傾呀!你哋咩人嚟㗎?搞我!騷擾我!攞記者證嚟畀我睇!我告你哋滋擾我,你哋咩記者?畀個證我!如果係假冒記者就報警拉你哋,做咩緘默唔出聲?唔話畀人聽係記者,你哋係賊呀?我即刻打999!」


戴志偉反拍升級,繼而逐一拍攝記者座駕車牌,不斷重複鬧記者「唔係人」、「影響我生活」,因其鬧人聲線極大,周圍早已吸引途人圍觀,戴志偉老羞成怒喪鬧:「我有咩事?我有咩問題?我得罪你哋乜嘢?佢哋騷擾我家人,去到邊跟到邊?我依家報警,你哋唔好走呀!佛都有火,你哋唔係人嚟,我得罪你啲咩?」又「教」記者要全片不剪擺上網,對Cam再說:「我係戴志偉,佢哋侵犯我私人嘅私隱,佢哋全部唔敢以真面目示人,我冇戴口罩我光明正大!你睇你哋啲眼!你會內疚,打嗰幾千蚊工,如果有傳媒影你哋屋企人得唔得呀?你哋班垃圾、唔係人,夠膽全片播出嚟!」


整個過程大約擾攘半個鐘,戴志偉最後更人肉截停其中一架壹週刊記者車,警方約於中午12時到達,登記雙方個人資料,約20分鐘後,戴志偉便駕車離開現場。

來源 source: http://hk.on.cc
鍾意就快D Share啦!