疫市開舖，好有信心喎！
商界女強人胡曦文（Christy）防疫意識做到足，在新冠肺炎疫情下，嚴守工作以外都留在家中避疫，早前罕有出關，在旺角砵蘭街及上海街一帶出沒。當日她與男助手同行，兩人同戴着口罩，出出入入多間牆紙、窗簾、瓷磚和燈飾店，見她與店員有傾有講，交流意見外，又不時用手機拍攝材料，Christy難得親自出山，為裝修選材一腳踢，肯定不是小Project。
Christy原本五月計劃與男友Joseph拉埋天窗，因疫情未明朗，婚事告延期，但就未有透露婚事時間表，事後問她是否為愛巢睇裝修？她笑說：「唔係，愛巢有排建造，有排搞，疫情下要延遲。」透露原來準備開「明星私竇」，她說：「搞緊一個Vip Showroom，招呼我啲明星朋友，我想設計一個有法國情懷嘅地方畀佢哋聚腳，中環方便佢哋，今次訂咗好多歐洲嘅裝修材料，我仲會將屋企嘅古董燈攞埋出嚟，志在畀個地方佢哋舒舒服服，睇吓我啲法國腕錶和健康產品，將會係一個『打卡點』。」問到疫境下，是否不計成本重本裝修，她直言：「真係冇得計，好多嘢錢係買唔到。」
來源 source: http://hk.on.cc
|
鍾意就快D Share啦！
|
|
|
