2020年4月3日 星期五

自爆身體不適漏夜睇急症 Cardi B爆粗否認患新冠肺炎

Cardi B惹來中招疑雲,她昨日即開Live否認患新冠肺炎。
自爆身體不適漏夜睇急症 CardiB爆粗否認患新冠肺炎CardiB惹來中招疑雲,她昨日即開Live否認患新冠肺炎。新冠肺炎於美國大爆發,當地確診個案至 ...




自爆身體不適漏夜睇急症 Cardi B爆粗否認患新冠肺炎

Cardi B惹來中招疑雲,她昨日即開Live否認患新冠肺炎。

新冠肺炎於美國大爆發,當地確診個案至今已破24萬宗,上月爆粗大鬧中國傳出新冠肺炎病毒,仲直言驚到開始囤積糧食的美國饒舌天后Cardi B,前日於社交網忽然自爆因身體不適而漏夜入急症室,並附上一張病人手帶照。雖然她補充病情已好轉,其後此帖文亦已被刪除,但消息曝光後,隨即引來大批網民猜測Cardi是否中咗招!

Cardi B前日於社交網自爆因身體不適而漏夜入急症室。
Cardi B前日於社交網自爆因身體不適而漏夜入急症室。
Cardi B還上載了一張病人手帶照。

Cardi B還上載了一張病人手帶照。

對此,Cardi昨日即於Ig開Live澄清並非染疫,她爆粗表示:「過去5日我都好X病……唔係新冠肺炎。我有好嚴重嘅腸胃問題……我有嘔……我有接受懷孕測試,因為你永遠都唔X知(係咪懷孕)。」但Cardi續指自己冇懷孕,並謂本身因腹痛而致電醫生到家中診症,惟現時因疫情問題,醫生不准許進入別人家中,故醫生不斷叫她飲薑茶;她又表示因滯留洛杉磯,使其飲食習慣有所改變,而大部分糧食均來自餐廳,Cardi說:「冇人幫我煮嘢食。之前我有請過廚師,但兩次都又貴又衰。」由於4日幾乎冇食過嘢,才令她感到不適,並透露周五將會再睇醫生。




鍾意就快D Share啦!