掃呢頁CODE去手機

2020年5月20日 星期三

【豬扒港姐搵到幸福】張嘉兒生完B變索除污名 猛料老公愛妻顧家羨煞旁人 #張嘉兒 #港姐

豬扒港姐變省鏡「豬扒港姐」個朵一出,相信好多人都知講緊2007年的冠軍張嘉兒,仲會浮現她當選時嗰個樣,真係有種孔慶翔失散妹妹的影子!不過,36歲張嘉兒 ...






豬扒港姐變省鏡

「豬扒港姐」個朵一出,相信好多人都知講緊2007年的冠軍張嘉兒,仲會浮現她當選時嗰個樣,真係有種孔慶翔失散妹妹的影子!

不過,36歲張嘉兒今時唔同往日,結咗婚生埋兩個女,反而省鏡咗好多,喺週末逼滿人的戶外,鏡頭都立即被她吸引住,難怪淡出幕前起碼3年,又突然被TVB召喚拍《陀槍師姐2020》啦,原來成個人索晒。

觀眾曾批「樣又唔得講又唔得」

張嘉兒2007年奪冠那刻全場噓聲堪稱經典,事後大家都稱她為「闊面港姐」、「35年來最丑港姐」等等。早前見她一家四口現身,化淡妝、正正常常一把長秀髮的張嘉兒,手抱著1歲大的細女露出溫柔笑容,個樣一啲都唔「豬扒」,四正咗勁多,簡直與港姐奪冠時有雲泥之別。明明同一個人,點解咁大分別?諗返轉頭,罪魁禍首可能只係化妝、set頭問題。

另外,諷刺的是,「豬扒港姐」的選美成績相當不俗,除港姐冠軍頭銜外,她還奪得2007年世界小姐競選「完美愛心小姐」榮譽並晉身16強,是繼1987年楊寶玲之後的第二人;又是2008年華姐亞軍。

頭銜多多,無綫亦俾足曝光機會,安排張嘉兒擔任2008年北京奧運主持,但她當時表現實在差強人意,表情生硬都算,仲要講嘢口窒窒兼愈講愈錯,「俄羅斯」可說成「蘇聯」、跳水有水花但佢話係「火花」、日本蛙王北島康介又變成「北島行佳」,所以被觀眾狠批「樣又唔得,講又唔得,擺係度做乜?」

丈夫家世猛料

的確,張嘉兒入行多年都無代表作,勉強數得出的只有《愛•回家》中那個娘爆秘書梁茜伊。所以,她2015年疊埋心水嫁人好過,何況是嫁金龜婿。她丈夫Nathan(劉銘斌)不僅是位金融才俊,據聞祖輩還相當猛料,曾曾曾外公是香港首位華人爵士何啟,除了是孫中山喺醫學院讀書時嘅老師,還興建了那打素醫院。昔日啟德機場塊地,亦係何啟賣給政府。重要的是,在加拿大溫哥華列治文區有800萬獨立屋、於大機構任職會計師的丈夫Nathan,甘為港人口中的「豬扒港姐」放棄高薪厚職,回流香港陪張嘉兒過人世。

事實亦證明,張嘉兒無嫁錯郎。當日所見,張嘉兒一家小手拖大手相當幸福,老公亦好錫囡囡,怕曬親小朋友,會用卡紙幫忙遮擋陽光。見人多擠迫更索性爸爸抱抱,然後繼續幫個女擋太陽。幫小朋友影靚相,一向係港媽專利,之但係張嘉兒呢家人唔一樣,由爸爸主動操刀影低阿女擺Pose。臨走前再買凍飲俾個女消暑解渴。根本又係一個被前世情人冧到暈嘅男人。

貌似徐子淇

張嘉兒婚後一年誕下長女,之後索性淡出幕前專心湊女,兼致力經營Facebook做網紅主打做媽媽點滴和湊B心得,睇佢幫B女轉身穿孭帶再戴防疫帽,就知係熟手技工有料到,並非口響響大隻講,唔怪得人氣反而比喺TVB拍劇有增無減。

隨著2019年又生多個女,然後拍落的倉底劇《婚姻合伙人》出街,觀眾先發覺張嘉兒已經3年無現身公仔箱,並且驚訝:「乜佢靚咗咁多嘅!」唔再係孔慶翔的失散妹妹,反而有何超蓮甚至徐子淇的影子,一洗「豬扒港姐」污名!

不過武漢肺炎疫情尚未結束,就算天氣熱,但為家人著想,張嘉兒喺人多擠迫地方拉低口罩唞氣應要三思,唔好掉以輕心呀。

攝錄:陳亦龍

----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱

1Click 搞掂 輕鬆簡便

按此了解更多

-----------------------------

【昔日紙本檔案庫】

30年壹仔經典 壹壹重現!

+4

+7

+5


鍾意就快D Share啦!