馮盈盈（FYY）和江嘉敏因為一次「豪華船P」，令姊妹反目！今日再有報道指，馮盈盈在電視城周圍唱衰江嘉敏是「扯皮條」，收人50萬邀請她上船，江嘉敏直認有聽聞此事，又突然殺出一位「閨密」替江嘉敏出頭，並提供多張馮盈盈當日邀請江嘉敏上船P的鐵證，擺明要踢爆馮盈盈講大話。
短訊的內容中，全由馮盈盈做主動邀請江嘉敏去玩wakesurf，江嘉敏指自己要開工，未知通告時間，還問「仲有邊個？」馮盈盈回答：「淨係諗住叫你，同埋nam nam、Francis，如果你Okay的話，你想我再叫更多人？」江嘉敏回覆：「都OK呀！」但表明未能100%肯定個期，馮盈盈貼心說：「I see，幫你祈禱。」
對於被唱是「扯皮條」，江嘉敏今日回覆傳媒時直認會嬲：「當然，係人聽到呢啲嘢都會唔開心，會嬲。咁我過咗個時間，完咗就冇事，就當係笑話咁笑下算喇。謠言止於智者，希望大家高抬貴手，唔好再令呢件事繼續發酵同惡化。關於呢件事嘅，我唔想做任何回應喇！Thank you 。」她同時否認是「放料人」，將只有她和馮盈盈擁有的私人短訊對話截圖公開，她解釋：「我想澄清番，大家所睇到嘅截圖並唔係我畀記者嘅，我亦冇放過上任何社交平台，我絕對唔係啲咁無聊嘅人。」
至於被踢爆是「大話精」的馮盈盈今日凌晨亦有在IG Story反擊：「對於坊間一些對我人格失實的指控，我必需澄清我絕對沒有做過，無論在公眾場合或私底下，我都沒有再就我和江小姐之前新聞發表任何意見和評論，這是一個憑空掐造的謠言，嚴重損毀我倆的人格和聲譽，謠言止於智者，請停止不實傳言讓事件盡快告一段落，謝謝。」
馮盈盈上月被影到與賭王何鴻燊四房公子何猷亨一齊上億元豪華遊艇後，即被指想「釣金龜」，當時馮盈盈拿江嘉敏做擋箭牌，聲稱是對方介紹她認識。江嘉敏即時否認，並多次在社交網有玄外之音留言：「有啲嘢適可而止就好收手喇，其實世界真係真係真係好細，我已經盡我所能做到最好架嘞！深呼吸，唔嬲唔嬲唔嬲」、「說話唔能夠亂講尤其係大話」、「真係知人口面不知心」等。有指二人曾經被公司高層照肺，所以活動上仍攬頭攬頭合照，但私下已反面零交流。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.entertainment.appledaily.com
|
鍾意就快D Share啦！
|
|
|